Вакцинацияға жазылу үшін электрондық үкімет порталында авторизациядан өту және өтінім беру қажет.
Электрондық үкімет порталында вакцинациялауға өтінім беру қызметі 8 сәуірде іске қосылады, деп хабарлады Денсаулық сақтау министрі Алексей Цой ОКҚ-да өткен баспасөз конференциясында.
Оның айтуынша, эпидемияға қарсы күрес пен іскерлік белсенділікті сақтау арасындағы тепе-теңдік үшін елімізде Цифрлық технологиялар белсенді енгізілетін болады.
2021 жылғы 8 сәуірде Денсаулық сақтау министрлігі электрондық үкімет порталында вакцинацияға жазылу қызметін іске қосуды жоспарлап отыр, - деп хабарлады министр.
Вакцинацияға жазылу үшін азамат электрондық үкімет порталына авторизациялануы және өтінім беруі қажет, онда тек тіркеу бойынша медициналық ұйымды көрсету қажет. Осыдан кейін өтінім вакцинация уақытын көрсете отырып, өтінімдерді бөлетін медициналық ұйымның қарауына түседі. Осыдан кейін азамат электрондық үкімет порталында медициналық ұйымға баратын күні мен уақытын көреді, сондай-ақ қосымша SMS-хабарлама алады, деді Алексей Цой.
Батыс Қазақстан облысында 7 мыңдай тұрғын екпе салдырған, деп хабарлайды «Хабар 24». Олардың басым бөлігі медицина саласының мамандары. Сонымен қатар педагог және полиция қызметкерлері де бірінші кезекте екпе алған болатын. Қазіргі таңда облысқа қажетті вакцина жеткілікті көлемде жеткізілген. «Вакциналаудың екінші кезеңінде созылмалы ауруы бар науқастар мен диспансерлік есепте тұратын тұрғындар назарға алынады», -дейді сала мамандары. Облыста екпе салуға арналған 30 орын бар. Барлық аудандар екпені сақтауға арналған арнайы орындармен жабдықталған. Арман Қалибеков, облыстық денсаулық сақтау басқармасы басшысының м. а.: - Былтыр мен осы аурумен ауырып шықтым. 6 айдан кейін қазір вакцина алып жатырмын 1 компонент. 21 күннен кейін екінші компонент аламын. Сезімім жақсы, ешқандай жағымсыз әсері жоқ. Вакцинаның көмегі болады, індетті тоқтату үшін 50% БҚО тұрғындары вакцинаны міндетті түрде алу керек.
Облыстық жедел штаб отырысының қорытындысы бойынша коронавирустық инфекцияның таралуына жол бермеу бағытында шектеу шараларына өзгерістер енгізу туралы шешім қабылданды. Еске сала кетсек, облыс екі аптадан бері коронавирустың таралу қарқынына байланысты "қызыл" аймақта тұр.
БҚО бас санитарлық дәрігерінің қаулысымен 9 сәуірден бастап сауда үйлері мен орталықтары жұмыс күндері 10.00-ден 21.00-ге дейін, сенбі күні 10.00-ден 17.00-ге дейін келушілерді 30 пайыздан асырмай жұмыс істейтін болады. Бұл демалыс күндері шағын дүкендерде адамдардың көп шоғырлануын болдырмау үшін жасалып отыр.
Азық-түлік емес тауарларды сататын дүкендерге жексенбіден басқа күндері сағат 9.00-ден 18.00-ге дейін жұмыс істеуге рұқсат берілді. Азық-түлік дүкендері сағат 8.00-ден 23.00-ге дейін жұмыс жасайды. Сондай-ақ 9 сәуірден бастап облыс елді мекендері аумағында түнгі сағат 00.00-ден таңғы 06.00-ге дейін жүріп-тұруға қатысты жаңа шектеулер енгізілді. Аталған шара тек коронавирустық инфекцияның бетін қайтару үшін ғана емес, мас күйінде көлік жүргізумен байланысты жол-көлік оқиғаларының алдын алу және анықтау үшін енгізіліп отыр.
Статистика бұл шараның тиімділігін алға тартады: өткен жылы 5 шілде мен 16 тамыз аралығында індетке шалдығу күшейген және түнгі қозғалысқа шектеу енгізілген кезде мас күйінде көлік басқарған 47 жүргізуші ұсталды.
Аталған шара бірінші кезекте автокөлік басқару ережесін өрескел бұзған, тұрғындар өміріне қауіп төндірген тұлғаларды анықтауға мүмкіндік береді.
Айта кету керек, жеке көлік иелері дәлелді себептермен түнгі мезгілде жүретін жағдайда, мәселен, медициналық мекемелерге немесе түнгі ауысымдағы жұмысқа бару үшін "109" нөміріне өтінім қалдыруы немесе STOPCOVID.KZ сайтына тіркелуі керек.
Өзгерістер оқыту форматына да әсер етіп отыр. Контингенті 300 оқушыға дейінгі қала және ауыл мектептері әр сыныпта 15 оқушыдан асырмай дәстүрлі форматта оқи береді.
ЖОО-лар мен колледждердің 1-курс студенттері практикалық және зертханалық сабақтарды қоспағанда, қашықтан оқыту форматына көшеді.
Алдағы 3 айда 6 млн. адам вакцина алады. Бұл туралы Үкімет отырысында ҚР Премьер-Министрі Асқар Мамин айтты, деп хабарлайды ҚазАқпарат.
«Қазіргі біздің басты міндетіміз – санитарлық-эпидемиологиялық жағдайды тұрақтандыру және вакцина алғандардың санын арттыру. Осы бағытта нақты жұмыс ұйымдастырылды. Министрлік вакцинациялау бойынша жоспар әзірледі. Биылғы сәуір, мамыр және маусым айлар аралығында өңірлерде ай сайын 2 млн. адамға вакцина алу мүмкіндігі қамтамасыз етіледі», - деді Үкімет басшысы. Оның атап өтуінше, қыркүйек айында 10 миллионға жуық вакцинациялауға жататын адамдарға вакцина салуды аяқтауды жоспарланып отыр. Содан кейін ұжымдық иммунитеттің жинақтаушы әсері күтіледі. «Денсаулық сақтау жүйесі дәрілік заттар мен медициналық бұйымдардың қажетті көлемімен толық қамтамасыз етілді. Ауруханаларда дәрі-дәрмектердің айлық қоры бар. Ал СК «Фармация» қоймаларында және дәріханаларда 2 айлық қор жасалынды. Сонымен қатар, барлық өңірлерде 3 айлық дәрі-дәрмектердің, жеке қорғаныс құралдар мен шприцтері бар тұрақтандыру қорлары құрылды. Жалпы Мемлекет басшысы Қасым-Жомарт Кемелұлы Тоқаевтың барлық тапсырмаларын орындау бойынша жүйелі жұмыс жүргізілуде», - деді Асқар Мамин.
zhaikpress.kz
Сурет inform.kz сайтынан алынды
Құрметті батысқазақстандықтар!
Енді біразырақ күннен кейін Ұлы Жеңіс күнін 76-ншы рет қарсылаймыз. 1941-45 жылдардағы Ұлы Отан соғысында жеңіске жету біздің халыққа өте қымбатқа түсті. Осы күнге жету үшін қаншама адам жанын қиды, қаншама ата-ана ұлынан айырылды, қаншама әйел арқасүйер азаматынан айырылып, жесір, қаншама бала асқар таудай әкесінен айырылып, жетім қалды. Майдангер ақын Сырбай Мәуленов өзінің өлең-жырына өзек қылғандай, «Қаншама қайғы салды оқтар, Қанша үйде сөніп қалды оттар...» Міне, сондықтан да біз бұл Жеңісті ерекше қастерлейміз, ерекше қадірлейміз.
Фашистік Германия тұтқиылдан шабуыл жасағандықтан, соғыстың бастапқы кезеңінде Кеңестер одағының еуропалық бөлігін жау басып алып, күл-талқаны шығып қираған көптеген қала-селоның миллиондаған халқы КСРО-ның азиялық бөлігіне қоныс аударуға мәжбүр болды. Дер кезінде бас сауғалап үлгермеген қаншама бейбіт тұрғын соғыс құрбанына айналды. Соғыстың кесірінен барлық зауыт-фабрикалар мен колхоз-совхоздар қалыпты өндірістік тыныс-тіршілігінен жаңылып, тұтас елдің экономикасы тығырыққа тірелді. Ел басына осындай күн туғанда көп отандастарымыз қолына қару алып, ортақ Отанымызды жаудан азат ету үшін қан майданға аттанды. Осындай ұлы жорыққа аттанған 76 625 батысқазақстандықтың тең жартысына жуығы, яғни 36 548 жерлесіміз Ұлы Жеңіс жолында шейіт болды. Ал қиян-кескі шайқастарда жанқиярлықпен соғысып, елге Жеңіс туын желбіретіп оралған ерлерміздің өңірінде жауынгерлік орден-медальдар жарқырады. 40 батысқазақстандық Кеңес Одағының Батыры деген ең жоғары атаққа ие болса, алты жерлесіміз Жауынгерлік Даңқ орденінің толық иегері атанды. Ал соғыс кезінде 300-ден аса әуедегі әскери жорыққа қатысып, жаудың көптеген адам күші мен соғыс техникасын бомбалау арқылы жойған ержүрек ұшқыш Хиуаз Доспановаға 2004 жылы Қазақстан Республикасының ең жоғары марапаты – Халық Қаһарманы атағы берілді. Майданға Ақ Жайық атырабынан аттанып, бес жылға созылған сұрапыл соғыстан туған өлкемізге аман оралған 40 мыңнан астам жеңіс сарбазының күні бүгін арамызда 41-і ғана қалды... Бізге бүгінгі ашық аспан, бейбіт заман, жарқын өмірді сыйлаған аға ұрпақтың ерлігінің алдында біз мәңгілік бас иеміз!
Соғыс жылдары кең байтақ Қазақстан майданның алып тылына айналды. Қалада да, далада да «Бәрі де майдан үшін! Бәрі де Жеңіс үшін!» деген ұран бүкілхалықтық сипат алып, ортақ қағидаға айналды. Қариялар, әйелдер мен балалар уақытпен санаспай, жан аямай еңбек етіп, олар да Жеңісті жақындатуға жанкешті үлес қосты. Тыл ардагерлерінің де ерен еңбегіне мың тағзым!
Биылғы 9 мамыр – Жеңіс күнінің қарсаңында «Орал өңірі» және «Приуралье» газеттері күні бүгін біздің арамыздағы жеңімпаздардың өмір дерегін, қан майдандағы жанқиярлық ерлігі мен бейбіт күнгі жасампаз еңбегін Жайық жұртының жадында жаңғыртпақ ниетте. Осы бастаманың өзі аға толқынның дәуірдің дауылынан, замананың сынынан сүрінбей өтіп, абыроймен атқарған тарихи міндет-миссиясына бір құрмет екендігі шүбәсіз. Жанқиярлық ерлік пен жанкешті еңбекті қадірлеп-қастерлеуге жетелейтін тың жобаға сәттілік тілеймін!
Сонымен қатар, қоғамдық тамақтану объектілерінің жұмыс кестесіне түзетулер енгізілуі мүмкін.
- БҚО мен Оралда коронавирус бойынша жағдай өте қауіпті, біздің облыс халық санын ескере отырып, оның таралуы бойынша ҚР - да бірінші орын алады деп айтуға болады, - деп мәлімдеді Ғали Есқалиев КВИ бойынша оперштабтың кезекті отырысы барысында. - Облыс орталығының барлық жұқпалы аурулар стационарлары 90% – ға толтырылды. Егер біз карантиндік шараларды күшейтпесек, жақында өткен жаздағыдай бүкіл аймақты жабуға тура келеді. Алайда, маған кейбіреулердің үйлену тойларын ұйымдастыратындығы туралы ақпарат келеді. Бұл тұрғыда мониторингтік топтардың жұмысын күшейту қажет. Қазірдің өзінде мұндай іс-шараларды ұйымдастырушыларға ғана емес, барлық қатысушыларға да айыппұл санкцияларын қолдана бастады.
Айтпақшы, мұндай құқық бұзушылықтар үшін айыппұл мөлшері өте әсерлі – 80 мың теңгеден асады. Сондай-ақ, отырыс барысында БҚО-да сәуір айында вакцинаның үлкен партиясы түсуі керек екені белгілі болды, оған қазір тізімдері жасалып жатқан ірі кәсіпорындардың барлық қызметкерлері егілетін болады. Алдын ала есептеулер бойынша 4000-ға жуық маман егіледі. Айтпақшы, объектілер вакцинаны өз бетінше сатып ала алмайды. Вакцина тегін, облыстық денсаулық сақтау басқармасы арқылы жеткізіледі және ол еркін қол жетімді емес.
ҚР Тәуелсіздігінің 30 жылдығына орай елімізде «30 игі іс» ұранымен әлеуметтік қайырымдылық іс-шаралары ұйымдастырылуда. Бұл шараның негізгі мақсаты - жалғызбасты зейнеткерлер мен ардагерлер, әлеуметтік жағынан қорғалмаған отбасыларға, сондай-ақ өмірде қиын жағдайға тап болған адамдарға қолдау білдіріп, көмек көрсету.
«Балам дейтін жұрт болмаса, жұртым дейтін бала қайдан шықсын»,- деп Ахмет Байтұрсынов айтқандай, өркениетке бет бұрған қазіргі кезеңде дамитын ел дарынды ұландарынан зор үміт күтеді. Балалардың мерейін өсіріп, ертеңгі күнге берік сенімін қалыптастыру барысында Бәйтерек ауданы Январцев ауылының халқы бұл игі істерді балалардан бастауды жөн көрді.
Ауқымды шара барысында округ әкімі А.Жұмағалиев пен Январцев мектебінің директоры А.Есмаков бастамасымен ауыл балаларынан қолдауын аямайтын демеушілерге қолдау көрсетілді
Бүгінде ауылда жүрегіндегі жылуы мен қолындағы барын балалардан аямайтын жомарт жандар жетерлік.
Қамқорлықты қажет ететін отбасы балаларын «Заман» ЖШС директоры А.Жанғалиев қашан да қолдауға әзір. Ол 10 оқушыны планшетпен қамтамасыз етсе, «Алтынбидай» ШҚ басшысы Б.Мукашев 5 планшет, «Перспектива КАН» ЖШС басшысы Н.Карин 5 планшет тарту етті. Сонымен қатар «Байстон» ЖШС басшысы О.Измалкова 15 оқушыға, «ЗКИТУ» ЖШС директоры А.Базымова 5 оқушыға, «Береке» ЖШС директоры К.Айдаров 15 оқушыға мектепке қажетті оқу құралдарын алып берді. Бұнымен қоса, «Керемет» ШҚ басшысы Ж.Черниязов ШҚО-дағы спортқа дарынды балаларға арналған мектеп-интернатына баратын 4 оқушының жол шығынын өтеп берді. Жалпы Январцев кәсіпкерлері ауыл мектебіне 900 мың теңгеден астам қаржыға демеушілік жасаған.
Бұдан бөлек Красноармейск, Кирсанов, Чинарев елді мекендері мектептері де демеушісіз емес. Аталған мектептерде оқитын 10 оқушыға «Орал Ойл» ЖШС директоры И.Алиагаев, 5 оқушыға «Керемет» ШҚ басшысы Ж.Черниязов, «Миргалиев» ШҚ басшысы Н.Миргалиев 5 оқушыға, «Любимый» ЖК басшысы О.Кадаева 2 оқушыға, «Салық» ЖК басшысы С.Мендыгазиев 3 оқушыға, «Мергалиев» ШҚ басшысы А.Мергалиев 2 оқушыға, «Надежда» ЖК басшысы Н.Голубенко 2 оқушыға жалпы құны 300 мың теңгеден асатын оқу құралдын тарту етті.
- Қазақстанда коронавирустың таралуына жол бермеу жөніндегі ведомствоаралық комиссия ел аймақтарындағы эпидемиологиялық жағдайды бағалау матрицасын жариялады, деп хабарлайды ҚазАқпарат.
2021 жылдың 5 сәуіріндегі жағдай бойынша, Нұр-Сұлтан, Алматы қалалары мен Алматы, Ақтөбе, Атырау және Батыс Қазақстан облыстары «қызыл» аймақта тұр. «Сары» аймақта Шымкент қаласы және Ақмола мен Қарағанды облыстары орналасқан. Қалған барлық өңір - «жасыл» аймақта. Қазақстан таяуда әлемдік эпидемиологиялық бағалау матрицасы бойынша «қызыл» аймаққа өткен болатын.