11 наурызда Батыс Қазақстан облысы әкімінің бірінші орынбасары Ержан Балтаев және төтенше жағдайлар департаментінің бастығы Ернұр Өтегенов, «Қазидромет» және «Қазсушар» РМК басшыларымен Орал қаласы, Бәйтерек және Тасқала аудандарындағы су тасқыны жағдайына аэровизуалды тексеру жүргізді.
Ұшу барысында Деркөл, Шаған және Шежін-2 өзендері мен бассейндерінің жай-күйі зерттеліп, өзендер бойында орналасқан елдімекендердің айналасына мониторинг жүргізілді.
Қазіргі уақытта Тасқала ауылындағы Деркөл өзеніндегі су деңгейі 520 см, Шежін-2 өзенінің су деңгейі 761 см құрап отыр, елдімекендерге қауіп жоқ.
Сонымен қатар, бүгінгі күні Орал қаласы, Ақжайық, Бөрлі, Тасқала, Теректі, Шыңғырлау, Қаратөбе, Жаңақала, Казталов, Сырым және Бәйтерек аудандарында еріген қар суы сорылды. Тәулігіне - 25863 м3 (барлығы 103 839 м3).
Қарды шығару Орал қаласы, Теректі және Сырым аудандарында жүргізілді. Тәулігіне - 8338 қар (барлығы - 319915 м3 қар).
Сонымен бірге 535 жерде мұз бұрғыланды, 230 м2 мұз кесілді, 690 қапшық төселді, 2,8 км арықтар мен 128 су өткізгіш құбырлар тазартылды.
(11.03.2023 ж. тәулігіне)
ЖАО күшімен тәулігіне 8 338 м3 қар шығарылды. Барлығы – 319 915 м3 қар шығарылды.
Сондай-ақ, барлығы 14 551 м3 еріген су сорылды. Барлығы – 94 394,5 м3 су сорылды.
– 535 тесіктер бұрғыланды (ТЖД);
− 230 м2 мұз кесілді
– 490 дана қап төселді (ЖАО);
– 200 дана қап төселді (5517 ә / б)
- 2,8 км. арықтар тазартылды (ЖАО, аудан);
- 38 дана су төгетін құбырлар тазартылды (ЖАО).
Авариялық-құтқару және шұғыл жұмыстарды жүргізуге жұмылдырылды:
- 691 адам;
- 320 бірлік техника;
- 91 бірлік мотопомпалар;
- 178 бірлік су айдау техникасы.
- Тұрғындардан 562 қоңырау келіп түсті.
Төтенше жағдайлар мен оқиғалар қаупі туралы халықты ескерту мақсатында азаматтардың ұялы телефондарына-1 СМС – хабарлама (дауылды ескерту), "Дәрмен" мобильді қосымшасы арқылы-5 хабарлама жіберілді.
Тәулігіне 3228 ақпараттық жадынама таратылды (барлығы 26265).
Халыққа ақпараттық және психологиялық көмек көрсету мақсатында облыстың жедел штабында "жедел желі" ұйымдастырылды. Қоңыраулар 55-40-88, 8 705 246 9629 нөміріне келіп түсті.
Су тасқынын жою жұмыстары жалғасуда.
▪️ «PetrolValves Kazakhstan» - Қазақстанда жоғары технологиялық клапандар өндіретін және сервистік қызмет көрсететін жалғыз өндіріс орны.
▪️ Кәсіпорын жылына 500 клапан өндіруді жоспарлап отыр. Сондай-ақ аталған орталық италиялық серіктестің патенттелген Valve New Life бағдарламасына сәйкес, жергілікті мұнай-газ кәсіпорындарына өндірістік процестен қол үзбей сервистік қызмет көрсетеді.
▪️ Алдағы уақытта кәсіпорын америкалық мұнай институтының API 6D сертификатын алуды және кейбір компоненттерді өзімізде өндіруді, осылайша өнімнің жергілікті құрамын 2024 жылға дейін 75 пайызға дейін жеткізуді жоспарлап отыр.
▪️ Жоба «IMB Центр» халықаралық мұнай-газ саласындағы машина құрастыруды дамыту орталығының қолдауымен жүзеге асырылып отыр. Жобаға 3 миллиард теңге инвестиция құйылған. Қазіргі таңда кәсіпорында 43 адам жұмыс істейді. Оның 37-сі – жергілікті тұрғындар.
Мемлекет басшысымен жүздескен жастар өздерінің жетістіктері туралы айтты.
Президент еліміздің болашағы өскелең ұрпақтың қолында екеніне тоқталып, мемлекет еңбекқор жастарға, олардың идеялары мен ұсыныстарына әрқашан қолдау көрсететінін айтты. Сондай-ақ Қасым-Жомарт Тоқаев дарынды жастарға жол ашу керек екенін жеткізді.
Ақсай қаласындағы Жастар ресурстық орталығы жергілікті тұрғындарға бірнеше бағыт бойынша қызмет көрсетеді:
▪️ Орталықта «Болашақ» коворкинг алаңы, «Аяла» қайырымдылық дүкені жұмыс істейді.
▪️ Мұнда NEET санатындағы жастарды жұмысқа орналастырумен айналысатын Жастарға қызмет көрсету орталығы бар.
▪️ Орталық мамандары жасөспірімдерге, өмірде түрлі қиындыққа тап болған жандарға психологиялық көмек көрсетеді.
▪️ Кәсіпорын мұнай мен газ, күрделі металл конструкцияларын өндіруге, өңдеуге, тасымалдауға арналған жоғары технологиялық жабдықтар шығарумен айналысады. Компания – General Electric компаниясының газ турбинасы бойынша стратегиялық серіктесі.
▪️ Зауыт аумағында «Baker Hughes General Electric Company» сертификаттаған және BHGE мамандарының ұсыныстарына сәйкес заманауи технологиялық құралдармен жабдықталған қызмет көрсету орталығы жұмыс істейді.
▪️ Зауыт ауыл шаруашылығының қажеттіліктері үшін Fregat себелеп суаратын машиналар өндірісін дамыту жобасын жүзеге асыруды жоспарлап отыр.
Еркін кездесуге табысты қыз-келіншектер, облыстық іскер әйелдер қауымының мүшелері, қоғамдық пікір көшбасшылары, қаржы институтының өкілдері, ардагер ұстаздар қатысты.
-Құрметті аналар, арулар сіздерді 8-наурыз халықаралық әйелдер күні мерекесімен шын жүректен құттықтаймын. Бұл мейрам жүрегімізді шуаққа бөлейтін ерекше күн. Баршаңызды азаматтың әдемі сыңарына айналған ерекше меркелеріңізбен шын жүректен құттықтаймын.
Сіздер отбасын ғана емес, бүкіл әлемді аялы алақандарыңызбен тербетіп, ұлтымыздың рухын асқақтатып отырсыздар. Тәуелсіз еліміздің бейбіт тірлігі мен берік бірлігіне ұйытқы болып отырған жандар да аяулы аналар.
Аналарымызды ардақтап, қадір тұтудың шектеулі мерзімі жоқ. Десек те, көктемнің күнін көрікті ететін 8 наурыз – «Халықаралық әйелдер күні» сол 365 күннің ерекшесі екені даусыз. Осындай керемет мереке қарсаңында аяулы аналар мен аруларға шынайы алғысымызды білдіруді жөн көрдік. Сіздерді қасиетті Жер-ана бусанып, қар астынан алғашқы бәйшешек бой көтеріп, жер-дүние күн шуағына бөленетін көктемнің көрікті мерекесімен шын жүректен құттықтаймын. Дендеріңізге саулық, отбасыларыңызға бақ пен береке, шаңырақтарыңызға шаттық тілеймін, - деді облыс әкімі.
Одан соң Нариман Төреғалиұлы өңірдің дамуына өзіндік үлес қосқан бір топ қыз-келіншектерге алғыс хат ұсынды. Өңір басшысының құрмет грамотасына ие болған жандар арасында еңбек ардагері Роза Кужекова, БҚО ҚХА Аналар кеңесінің төрайымы Шалқыма Құрманалина, ардагер ұстаз, көп балалы ана Мәншүк Ермұханова, тұрмыстық зорлық-зомбылық құрбандарына арналған дағдарыс орталығының директоры Талшынай Жүніс, «Теректі жаңалығы» газетінің жауапты хатшысы Аягөз Айтқалиева және басқа да бір топ қыз-келіншек пен түрлі сала ардагерлері болды.
Өз кезегінде Шалқыма Құрманалина, еңбек ардагері Роза Кужекова және Сырым ауданынан келген ардагер ұстаз Гүлбақша Ерғалиева мен тасқалалық «Ақ тілеу» халықтық әжелер ансамблінің төрайымы Майра Нұрмақова мереке қарсаңында қабылдап, құрмет көрсеткен өңір басшысына ризашылығын білдіріп, жұмысына сәттілік тіледі.
🖊️Түгелбай Бисен
📸Жалғас Мерғали
Рафхат Халелов
Онда су тасқыны кезеңінде облыс халқы мен аумағын төтенше жағдайлардан қорғауға қатысты қабылданып жатқан шаралар туралы мәселе қаралды.
Облыс прокуроры Серік Шалабаев жүргізген отырыс барысында су тасқынына қарсы іс-қимыл кезінде туындайтын негізгі проблемалар талқыланды. Су тасқынының қаупі бар учаскелер анықталды. Көктемгі су тасқынына қарсы іс-қимыл жөніндегі жұмыстың тиімділігін арттыруға бағытталған шаралар кешені әзірленді. Облыс әкімі Нариман Төреғалиев қала және аудан әкімдеріне төтенше жағдайлар департаметімен және басқа да құзырлы мекемелермен бірлесіп, су тасқыны қаупі бар учаскелерде алдын алу жұмысын жүргізуді тапсырды. Сондай-ақ барлық күштер мен құралдар дайын болуы тиіс деді. Тасқын қаупіне күнделікті мониторинг жүргізу қажет екенін айтты.
Облыс прокурорының бірінші орынбасары Дәурен Умаргалиевтің баяндауынша, елді мекендердің, техника мен материалдық жабдықтардың дайындығын тексеру жөніндегі комиссияның жұмыс нәтижелері бар. Соған сәйкес бүгінгі таңда 10 елді мекеннің әкіміне су тасқыны кезеңіне дайын еместігі туралы ескертулер берілген.
Төтенше жағдай департаментінің деректеріне сәйкес бүгінде облыстағы су тасу қаупі бар 32 ауылда 104 мың халық тұрады.
Қабылдауда қойылған сұрақтарға сәйкес қала және аудан әкімдіктері мен басқарма басшылары қатысты.
Қабылдауға келген тұрғындар өтініші мен ұсынысының дені жұмыспен қамту мәселесі, ұлттық спортты дамыту, табиғатты қорғау, тұрғын үй шаруашылығы мәселелері бойынша болды.
Облыс әкімінің қабылдауына Байзуллин Сатқали, Әдиетов Нұрболат, Ишанов Ақылбек сынды азаматтар ұлттық спорт, соның ішінде бәйге спортын дамыту мәселесімен жүгінді. Атап айтсақ, азаматтар бүгінде қайта жаңғыра түскен бәйге спортын заңды негізде тіркеп, ипподром ашуға ұсыныс тастады.
Бұдан бөлек, қабылдауға келген Жақсығұлов Кайреден есімді азамат қала іргесіндегі Анискин көліне су жіберу мәселесі бойынша ұсынысымен келді.
Қабылдауға келген тұрғындардың ұсыныстары мен өтініштері облыс әкімі тарапынан қолдау тауып, тиісті сала мамандарына тапсырмалар берілді.
Облыс әкімдігінде өңір басшысы Нариман Төреғалиевтің төрағалығымен 2023 жылғы су тасқыны кезеңіне дайындық, «Ауыл аманаты» жобасының жүзеге асырылуы, жол құрылысы мәселесі, әлеуметтік нысандар құрылысы және ауылдық елді-мекендерді ауыз сумен қамту туралы кеңейтілген кеңес өтті. Жиынға басқарма басшылары, аудан әкімдері және БАҚ өкілдері қатысты.
Күн тәртібіндегі мәселелер бойынша облыстық Төтенше жағдайлар департаментінің басшысы Ернұр Өтегенов көктемгі су тасқынына дайындық барысы туралы, облыстық құрылыс басқармасының басшысы Әлібек Антазиев өңірдегі өткен жылы бой көтерген және үстіміздегі жылы басталатын құрылыс нысандары жайында, облыстық жолаушылар тасымалы және автомобильдер жолдары басқармасының бастығы Айдар Менеев 2022 жылғы аяқталмай қалған жол құрылысының негізгі себептері жөнінде баяндама жасады.
Жиын соңында өңір басшысы Нариман Төреғалиев бұрын болмаған құрылыстарды үнемі қадағалауда ұстап және су тасқынына әзірлікті күшейту бағытындағы жұмыстар бойынша аудан әкімдеріне нақты тапсырмалар жүктеді.
Облыс әкімдігінде облыс әкімінің орынбасары Е.Балтаевтың төрағалығымен өңірдегі қоршаған ортаны қорғау және қалдықтарды басқару саласындағы проблемалық мәселелері бойынша кеңейтілген кеңес отырысы өтті.
Кеңеске осы саладағы облыстық басқармалар, департамент басшылары және аудандық әкімдіктер, ірі команиялардың өкілдері қатысты.
Кеңес барысында Батыс Қазақстан облысының экологиялық мәселелерін кешенді шешу бойынша Жол картасында бекітілген шаралардың орындалуы талқыланды.
Өңірімізде қалдықтарды сұрыптау және өңдеу саласында 18 кәсіпорын жұмыстануда. Солардың ішінде еліміздегі автомобиль шиналарын өңдеу саласындағы көшбасшылардың бірі «Кама орталығы» ЖШС 2022 жылы 2,3 мың тонна өнім өңдеді. «Орал сауда-өнеркәсіп компаниясы» ЖШС өткен жылы пластик пен төменгі қысымды полиэтилен өңдеудің жаңа линиясы қолданысқа енгізіп 9,4 мың тонна қалдықтар өңдеуден өткізді.
КПО б.в. компаниясы, «Жайықмұнай» ЖШС өз аумақтарында ауаға зиянды заттардың шығарылуын онлайн бақылауға және басқаруға мүмкіндік беретін автоматты мониторинглеу станцияларын орнату жұмыстары туралы баяндады.
Сонымен қатар «Жайықжылуқуат» АҚ жылына 4 млн.м³ дейін Жайық өзенінен су алуды азайтуға мүмкіндік беретін градирни ауыстыру жобасын ағымдағы жылы аяқтауды жоспарлауда.
Сондай-ақ, кеңес қорытындысымен аудандық әкімдіктерге қатты тұрмыстық қалдықтар полигондарын заңнама талаптарына сәйкестендіру және ғарыштық мониторинглеу барысында анықталған заңсыз қоқыс орындарын жою туралы нақты тапсырмалар берілді.