Батыс Қазақстан облысы автомобиль жолдарының жағдайы бойынша анықтама

Облыстың автомобиль жолдарының жалпы ұзындығы  6183 км құрайды.  Оның ішінде: Республикалық маңызы бар автомобиль жолдары–1349 км. Жергілікті маңызы бар автомобиль жолдары – 4834 км.

2025 жылғы 1 қаңтардағы жағдай бойынша Республикалық маңызы бар автожолдардың нормативтік жағдайдағы үлесі – 83%, жергілікті маңызы бар автожолдардың үлесі – 56% құрады.

2024 жылы облыстық және аудандық маңызы бар автожолдарға 34,8 млрд. теңге бөлініп, жылдың қорытындысы бойынша 250,8 км жол жөнделді. (қайта жаңарту - 41,5 км, күрделі жөндеу - 103,8 км, орташа - 105,5 км).

2025 жылы облыста жергілікті маңызы бар жолдарда және «Ауыл – ел бесігі»(15 жоба) бағдарламасы бойынша жалпы сомасы 44,2 млрд.теңгеге 260,7 км ден астам жолды жөндеу жоспарлануда. Соның ішінде, облыстық( 7жоба) және аудандық маңызы бар(16 жоба) автожолдарға 38,9 млрд. теңге, 221,9 км(қайта жаңарту - 35 км, күрделі жөндеу – 88,7 км, орташа – 98,2 км). Бірінші жартыжылдықтың қорытындысы бойынша жергілікті маңызы бар автожолдардың 60 шақырымында асфальт-бетон жабынын орнату жұмыстары аяқталды.

 Асфальтбетон жабынын төсеу жұмыстары және «Ауыл – ел бесігі» бағдарламасы аясында 15 елді-мекеннің ауылішілік жолдарын 5,2 млрд. теңгеге 38,8 км асфальтбетонды жабынмен қамтамасыз ету күтілуде. Бірінші жартыжылдықтың қорытындысы бойынша ауылішілік автожолдардың 13 шақырымында асфальт-бетон жабынын орнату жұмыстары аяқталды.