БАТЫС ҚАЗАҚСТАН ОБЛЫСЫНЫҢ ЖЕР РЕСУРСТАРЫН БАСҚАРУ ДЕПАРТАМЕНТІ ЕСКЕРТЕДІ!!!

БАТЫС ҚАЗАҚСТАН ОБЛЫСЫНЫҢ ЖЕР РЕСУРСТАРЫН БАСҚАРУ ДЕПАРТАМЕНТІ

ЕСКЕРТЕДІ!!!

 

Ауыл шаруашылығы мақсатындағы жердi пайдаланбағаны үшін жауапкершілік

 

Жер учаскелерiнiң меншiк иелерi мен жер пайдаланушылар: жердi оның нысаналы мақсатына немесе елді мекендердегі жерлерде функционалдық аймаққа сәйкес, уақытша жер пайдалану кезiнде – оның ішінде, жалдау шартына (уақытша өтеусiз жер пайдалану шартына) сәйкес пайдалануға, ауыл шаруашылығы мақсатындағы жер учаскелерді алқаптардың белгіленген түріне сәйкес пайдалануға міндетті.

Егер, ауыл шаруашылық жер учаскелері пайдаланылмаған жағдайда ҚР Жер кодексінің 92-бабына сәйкес орындауға заңда көзделген мерзімге сәйкес 1 жылға нұсқама беріледі және ауыртпалыққа қойылады.

Жер учаскесін немесе оның бір бөлігін ҚР заңнамасын бұза отырып пайдалану ҚР Әкімшілік құқық бұзушылық туралы кодексіне сәйкес жауаптылыққа әкеп соғады. Ауыл шаруашылығы мақсатындағы жердi ұтымсыз пайдалану немесе пайдаланбаған жағдайда – ескерту жасауға немесе жеке тұлғаларға – 10 АЕК, шағын кәсiпкерлiк субъектiлерiне немесе коммерциялық емес ұйымдарға – 40 АЕК, орта кәсiпкерлiк субъектiлерiне – 70 АЕК, iрi кәсiпкерлiк субъектiлерiне 200 АЕК мөлшерiнде айыппұл салынады. 

Мемлекеттік кірістер органдарымен ҚР-ның Салық және бюджетке төленетін басқа да міндетті төлемдер туралы (салық кодексі) кодексінің 509-бабының 5-тармағына сәйкес мақсаты бойынша пайдаланылмайтын немесе ҚР-ның заңнамасын бұза отырып пайдаланатын ауыл шаруашылығы мақсатындағы жер учаскелері бойынша белгіленген базалық мөлшерлемелер бойынша салынған салық 20 есеге ұлғайтылады. Мысалы, шаруашылық жылына жер салығын 100 мың тг көлемінде төлеп келген болса, нәтижесінде салық 20 есеге артып, 2 млн тг төлейтін болады.

Пайдаланылмайтын жер учаскелері сот шешімімен мәжбүрлеп алып қойылған тұлғалар тізілімінде тұрған тұлғалар шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі өткізілетін конкурстарға қатыса алмайды және 3 жыл бойы жер учаскелерін алуға тыйым салынады. (ҚР-ның Жер кодексінің 43-1-бабының, 8-тармағы және 96-1-бабының, 4-тармақтары)         

Сондықтан, ауыл шаруашылығы айналымына енгізу мақсатында жер учаскеңізді дер кезінде нысаналы мақсатына сәйкес пайдалануыңыз немесе пайдаланбаған жағдайда өз еркіңізбен бас тартып мемлекет меншігіне қайтаруыңыз қажет (ҚР Жер кодексінің 82- бабы және 92-баптың 3- тармағы).

Орал қаласы, Сарайшық көшесі, 47, Тел: 30-70-21.