ХҚКО мен МХҚКО мамыр айындағы мерекелік
күндерде қалай жұмыс істейді?
«Азаматтарға арналған үкімет» Мемлекеттік корпорациясы Халыққа қызмет көрсету орталықтары мен мамандандырылған халыққа қызмет көрсету орталықтарының мамыр айындағы мерекелік күндерге орай жұмыс кестесін хабарлайды.
ХҚКО-лар мен мамандандырылған ХҚКО-лар 1,7,9 мамыр күндері жұмыс істемейді.
3 және 10 мамыр, яғни сенбі күндері кезекші ХҚКО мен мамандандырылған ХҚКО-лар үшін жұмыс күні. Бұл күндері халыққа қызмет көрсету орталықтары 9:00-ден 13:00-ге дейін қызмет көрсетеді, мамандандырылған ХҚКО-ларда өтініштерді қабылдау 12:00-ге дейін жүзеге асады, ал дайын құжаттарды 13:00-ге дейін алып кетуге болады.
Кезекші ХҚКО мен мамандандырылған ХҚКО-лардың тізімін Мемлекеттік корпорацияның ресми Instagram парақшасынан немесе 1414 нөмірі арқылы білуге болады.
АУДАНЫМЫЗДА ОТАН АЛДЫНДА БОРЫШЫН ӨТЕГЕН САРБАЗДАР ҮЙЛЕРІНЕ АТТАНУДА
Бүгін Жаңақала ауданының әкімі А. Көшкінбаев Жаңақала ауданының, Жаңақазан ауылында орналасқан 51809 «В» әскери бөлімінің запасқа шығарылатын сарбаздарды қабылдады.
Достық алаңында өткен салтанатты жиында аудан басшысы борышын өтеген сарбаздарға ізгі тілектерін білдіріп, сарбаздардың ата-аналарына арналған алғыс хаттары мен естелік сыйлықтарын табыстады.
51809 «В» әскери бөлімінің сарбаздарына Жаңақала ЖОББМ жанынан құрылған “Отан” әскери патриоттық клубының мүшелері және “Жас сарбаз” тәрбиеленушілері “Қару жарақты жабдықтау” рәсімін өткізді.
Ауданымызда орналасқан 51809 «В» әскери бөлімінде мемлекетіміздің Астана қаласы, Ақтөбе, Түркістан, Манғыстау, және Шығыс Қазақстан облыстарынан келген әуе шабуылына қарсы қорғаныс күштерінде отан алдындағы борышын өтеген 37 сарбаз алдағы күндері запасқа шығарылып, туған жерлеріне аттанады.
Ауданымызда санитарлық-экологиялық айлығы жалғасуда
"Таза Қазақстан" экологиялық ақциясы аясында Жаңақала ауылы аймағындағы Соркөл көлінің жағалауында сенбілік өткізілді.
Бүгінгі сенбілікке ауданымыздың барлық мемлекеттік мекемелер ұжымдары және ауыл тұрғындары қатысты.
Барша аудан тұрғындарын ауыл тазалығын жүргізу жұмыстарына белсенді қатысуға шақырамыз.
ЖАҢАҚАЛА АУДАНЫНДА «WORLDSKILLS KAZAKHSTAN» ОБЛЫСТЫҚ ЧЕМПИОНАТЫ ӨТКІЗІЛДІ
2025 жылдың 21 сәуір күні Жаңақала колледжі базасында «Worldskills Kazakhstan» чемпионатынының «Дәнекерлеу технологиясы» құзыреттілігі бойынша облыстық кезеңінің ашылу салтанаты өткізілді.
«Worldskills Kazakhstan» чемпионатының мақсаты бүкіл әлемде кәсіби дайындық пен біліктіліктің мәртебесін көтеру, жұмысшы кәсіптерін бүкіл әлем бойынша халықаралық конкурстар арқылы танымал ету, жұмысшы мамандықтарының мәртебесін арттыру және шеберлік дағдыларын дамыту.
Чемпионатқа 10 колледж Ақжайық аграрлық- техникалық, Ақсай техникалық, Батыс Қазақстан индустриалды колледжі, Бәйтерек, Жоғары инженерлік- технологиялық колледжі, Орал политехникалық, Қаратөбе, Тасқала, Шыңғырлау және Жаңақала колледждері студенттері қатысты.
Чемпионаттың ашылу салтанатына Батыс Қазақстан облысы әдістемелік орталығы директорының орынбасары А.Х.Масалимов, Жаңақала ауданының әкімі А.Ж.Көшкінбаев және чемпионаттың бас сарапшысы Б.К.Иксанов қатысты.
Аудан әкімі А.Ж.Көшкінбаев чемпионаттың ашылуымен құттықтап, қатысушы студенттерге сәттілік тіледі!
Ағымдағы жылдың 21 сәуір күні Жаңақала ауданында «Таза Қазақстан» республикалық экологиялық акциясы шеңберінде көшеттер егу жұмыстары бастау алды.
Экологиялық акцияның басты мақсаты - тазалық мәдениетін қалыптастыру, тазалықты сақтау, "адал адам – адал еңбек – адал табыс" патриотизм құндылықтарын дәріптеу.
Акцияға аудан әкімі А.Көшкінбаев, аудан ардагерлері,қоғамдық бірлестік өкілдері, аналар кеңесінің мүшелері, аудан жастары және спортшылары қатысты.
“Таза Қазақстан” экологиялық акциясы аясындағы ағаш егу шаралары ауданымызда жүйелі түрде жүргізілуде.
Барша аудан тұрғындарын көгалдандыру жұмыстарына жұмыла атсалысуға шақырамыз!
ЖАҢАҚАЛАДА ЖАСТАР ОРТАЛЫҒЫ АШЫЛДЫ
2025 жылдың 16 сәуір күні Жаңақала ауданы орталығында 300 шаршы метрді құрайтын жаңа Жастар орталығы ашылды. Ашылу салтанатына аудан әкімі А.Көшкінбаев, БҚО Жастар ресурстық орталығының басшысы А.Ибраев, Аудандық жастар ресурстық орталықтарының директорлары, БАҚ өкілдері, аудан ардагерлер және жастар қатысты. Алғы сөзді аудан әкімі А.Көшкінбаев алып, аудан жастарын құттықтап әр кезде қолдайтынын білдірді. Кейін БҚО Жастар ресурстық орталығының басшысы А.Ибраев жаңадан салынған Жастар орталығынының ашылуымен құттықтап, айтыскер ақын Д.Нысанғалиев жастарға өз арнауын арнап орталықтың лентасын кесті. Шара соңы жастардың ұсыныс-пікіріне жалғасты.
Жастар орталығы замануи коворкинг орталығымен, Психолог кабинеті, үстел теннисі, әр-түрлі үстел ойындарымен, оқырман залы, арнайы сұқбат (подкаст) түсіретін кабинетпен және т.б. заманауи құралдармен жабдықталған.
Жұмысшы мамандықтар жылына орай, Жаңақала ауданында 16 сәуір күні Жаңа бизнес-идеяларды іске асыруға қайтарымсыз грант беру мемлекеттік бағдарламасы аясында Жаңақала ауданы бойынша 2022-2024 жылдары грант алушылардың өнімдерінің жәрмеңкесі өтті.
Жәрмеңкеде 2022-2024 жылдары аралығында грант иегерлері атанған азаматтардың өнімдері ұсынылды.
Жәрмеңке әрмен қарай жұмысшы мамандықтар жылына орай ұйымдастырылған «Еңбек адамы – елдің тірегі» атты жұмысшы мамандықтар форумына ұласты. Алғы сөз аудан әкімі А.Көшкінбаевқа берілді. Форум барысында Жаңақала желілік өндірістік басқарма бастығы – Таңатаров Айдарбек Жүсіпкерейұлы, Жаңақала колледжінің 2 курс студенті Қабдрахим Қолқанат Қобландыұлы, №3 Жалпы орта білім беретін мектебінің информатика кабинетінің зертханашысы Хамза Мөлдір Серікқызы ,«Есептеу техникасы және ақпараттық желілер» мамандығының 3 курс студенті Русланова Айкүнім Русланқызы, «QAZAQGAZ AIMAQ» БҚО өндірістік филлиалы Жаңақала учаскесінің газ – дәнекерлеушісі Баймұқашев Ерболат Самиғоллаұлы,Жаңақала колледжінің 2 курс студенті Батырғазы Әли Саматұлы, Жаңақала колледжінің «Тамақтандыруды ұйымдастыру» мамандығының өндірістік оқыту шебері Хомиченко Гүлмира Берікқызы, Жаңақала колледжінің 2 курс студенті А.С.Шакират өздері жұмыс жасап және оқып жатырған жұмысшы мамандықтарының қыр-сырымен бөлісіп, жастармен пікір алмасты.
Қазақстанда жылжымалы мүлік кепілін
тіркеу қызметіне сұраныс артты
2024 жылы Қазақстанда жылжымалы мүлікті кепілге қою бойынша 50 902 қызмет көрсетілді. Ал 2023 жылы 28 072 қызмет көрсетілген, яғни 2024 жылы қызметтердің саны 22 830-ға артып, өсім 44,8% құрады.
Жылжымалы мүлікке жылжымайтын мүліктен басқа кез келген мүлік жатады. Олардың қатарына көлік құралдары, ақша, айналымдағы тауарлар, бағалы қағаздар, мүліктік құқықтар және басқа да активтер кіреді.
Заң бойынша автокөліктер, ауыл шаруашылығы техникасы, әуе және теміржол көліктері міндетті мемлекеттік тіркеуге жатады. Мұндай мүлік кепілге қойылған жағдайда, тіркеу тиісті уәкілетті органдар арқылы жүзеге асырылады.
Міндетті мемлекеттік тіркеуді талап етпейтін жылжымалы мүлік түрлеріне ақша қаражаттары, жабдықтар, мүліктік құқықтар, негізгі құралдар, банк салымдары, бағалы қағаздар, айналымдағы тауарлар, тауарлық-материалдық қорлар, астық және өзге де мүлік жатады.
Кепіл – борышкер қарызын төлей алмаған жағдайда несие беруші оның мүлкін басқаруға мүмкіндік алатын міндеттемелерді қамтамасыз ету тәсілі. Кепіл болған жағдайда несие беруші кепілге қойылған мүлікті сатып, қарызын өтей алады.
Жылжымалы мүлікті кепіл ретінде тіркеу қызметін ХҚКО немесе электронды үкімет порталы арқылы алуға болады. Аталған қызмет «Азаматтарға арналған үкімет» Мемлекеттік корпорациясында өтініш қабылданған сәттен бастап 2 жұмыс күні ішінде көрсетіледі.
ХҚКО-да қызмет алу үшін:
Айта кетейік, кепілді тіркеу Жылжымалы мүліктің кепіл тізіліміне енгізу арқылы жүзеге асырылады. Бұл тізілімде кепілге қойылған мүлік туралы ақпарат сақталады және оның бар-жоғын тексеруге мүмкіндік береді.
Жылжымалы мүлік кепілінің тізіліміндегі кепілден шығару кепіл ұстаушының өтініші негізінде жүргізіледі. Мемлекеттік тіркеу өтініш берушінің тіркеуші органға жүгінуінен кейін жүзеге асырылады.
Орал қаласында кезекші ХҚКО-ның мекенжайы өзгереді
"Азаматтарға арналған үкімет" мемлекеттік корпорациясының БҚО бойынша филиалы 1 сәуірден бастап Орал қаласында кезекшілік кестесі бойынша Жамбыл көшесі, 81/2 мекенжайында орналасқан Халыққа қызмет көрсету орталығы жұмыс істейтінін хабарлайды. Азаматтарды қабылдау жұмыс күндері сағат 9:00 - ден 20:00-ге дейін және сенбі күні сағат 9:00-ден 13 00-ге дейін жүргізіледі..
Бұл ретте Исатай-Махамбет көшесі, 84 мекенжайында орналасқан ХҚКО жұмыс күндері сағат 9: 00-ден 18:00-ге дейін әдеттегі жұмыс кестесіне көшеді.
Сонымен қатар, кезекші мамандандырылған ХҚКО мекен-жайы өзгеріссіз қалады: Жәңгір хан көшесі, 160. Ол дүйсенбіден жұмаға дейін, сағат 9.00 – ден 20.00-ге дейін, түскі үзіліссіз, сенбіде 9.00-ден 13.00-ге дейін жұмыс істейді.
ХҚКО-дан төлқұжат пен жеке куәлікті қалай алуға болады?
Жыл басынан бері Батыс Қазақстан облысында 14 мыңнан астам төлқұжат пен жеке куәлік берілді. Аталған құжаттарды қалай рәсімдеуге болады? Бұл туралы «Азаматтарға арналған үкімет» Мемлекеттік корпорациясының облыстық филиалы түсіндіреді.
Төлқұжат пен жеке куәлікті алу үшін халыққа қызмет көрсету орталығына жүгіну керек. Қызмет эксаумақтылық режимінде жүргізіледі, яғни өзіңіз тіркелген мекенжайға қарамастан кез-келген ХҚКО-ға бара аласыз. Орталықта жеке куәлік пен төлқұжатты рәсімдеу бойынша операцияны көші-қон қызметі жүзеге асырады.
Айта кетейік, Қазақстан Республикасының азаматтарына жеке куәлік 16 жасқа толған уақытта беріледі. Төлқұжатқа қатысты айтар болсақ, балаларға аталған құжатты бірінші рет рәсімдеу үшін туу туралы куәлік қажет, ал 16 жастан асқандар үшін жеке куәлік керек. Төлқұжаттың мерзімі өткен жағдайда, қызмет алушы қалауы бойынша жаңа төлқұжат алуға өтініш бере алады немесе оны мерзімі аяқталғанға дейін 1-2 ай бұрын ауыстыра алады. Қызмет көрсетудің стандартты мерзімі – 15 жұмыс күні.
Еске салайық, ҚР Салық кодексі 622 бабының 4 тармағына сәйкес, жеке куәлік пен төлқұжат үшін мемлекеттік баж салығын төлеуден кейбір азаматтар легі босатылған. Мәселен, бұл санатқа ҰОС ардагерлері және оларға теңестірілген тұлғалар, Кеңес одағының батырлары және Социалистік еңбек ерлері, барлық топтағы мүгедектер, сондай-ақ бала кезінен мүгедек болған клиенттің ата-анасының бірі, қарттар мен мүгедектерге арналған мекемелерде тұратын егде жастағы адамдар, жетім балалар және балалар үйлерінде немесе интернаттарда тұратын ата-анасының қамқорлығынсыз қалған балалар, сондай-ақ «Батыр Ана» атағы бар, "Алтын алқа" және "Күміс алқа" төсбелгілерімен наградталған көпбалалы аналар жатады.