Санитариялық сою және эпизоотиялық қауіпсіздік

Бүгін басқарма басшысы А.С.Бралиевтің Батыс Қазақстан облысындағы сою кәсіпорындарының өкілдерімен бруцеллезге оң нәтиже көрсеткен жануарларды санитариялық союды ұйымдастыру мәселелері бойынша жұмыс кездесуі өтті.

 

Кездесу барысында ветеринариялық-санитариялық талаптарды сақтау, сою объектілерінде биологиялық қауіпсіздікті қамтамасыз ету, жануарларды қабылдау және өткізу тәртібі, сондай-ақ ветеринариялық қызмет пен кәсіпорындар арасындағы өзара іс-қимыл мәселелері талқыланды. Негізгі мақсат – инфекцияның таралуына жол бермеу және өңірдің эпизоотиялық тұрақтылығын қамтамасыз ету.

 

Кездесу қорытындысы бойынша жұмысты жүйелеу және санитариялық іс-шараларды уақтылы жүргізу мақсатында ынтымақтастық туралы меморандум әзірлеп, қол қою жөнінде келісімге қол жеткізілді.