Бүгін басқармада Ашық есік күні өтті

Биыл ветеринария мамандығы бойынша оқу орнын тәмамдаған жас мамандар – Насыров Назарбек пен Мөлдір Жанаталапова басқарманың жұмыс бағыттарымен танысты.

Кездесу барысында оларға басқарманың негізгі міндеттері, ветеринариялық қауіпсіздікті қамтамасыз ету, жануарлар ауруларының алдын алу, сондай-ақ саладағы мемлекеттік қызметтерді көрсету үдерістері туралы жан-жақты ақпарат берілді.

Бұл шара жас мамандарға тәжірибелік бағыт-бағдар беріп, алдағы уақытта өз білімдерін іс жүзінде қолдануға мүмкіндік туғызады.

Мақсат – жастарды қолдап, ветеринария саласына жаңа леп әкелу!