Ветеринария саласындағы өзекті мәселелер – тікелей эфирде

Бүгін Aqjaiyq телеарнасындағы «Время вашего вопроса» бағдарламасының тікелей эфирінде ветеринария саласындағы ең өзекті тақырыптар талқыланды.

Эфирге Батыс Қазақстан облыстық ветеринария басқармасының басшысы Абзал Серікұлы Бралиев және ҚР АШМ Ветеринариялық бақылау және қадағалау комитетінің БҚО аумақтық инспекциясының басшысы Марат Егінбайұлы Утаралиев қатысты.

Спикерлер өңірде жүргізіліп жатқан ветеринариялық іс-шаралар, эпизоотиялық ахуал, жануарлардың аса қауіпті ауруларының алдын алу, ветеринариялық қызметтің материалдық-техникалық базасын жаңарту, процестерді цифрландыру және жануар тектес өнімдердің сапасын бақылау туралы кеңінен баяндады.

Эфир ветеринариялық қызметтің басым бағыттары мен осы саладағы мемлекеттік саясаттың жүзеге асырылуы туралы халықты ақпараттандыруға арналған мазмұнды алаңға айналды.

Ветеринариялық қауіпсіздікті қамтамасыз ету мәселелеріне назар аударып, ветеринария саласының жұмысы туралы жан-жақты ақпарат беруге мүмкіндік жасағаны үшін Aqjaiyq телеарнасына алғысымызды білдіреміз!