«Алау-2025» далалық оқу-жаттығу жиыны өз мәресіне жетті
Батыс Қазақстан облысының қоғамдық даму басқармасының қолдауымен ұйымдастырылған «Алау-2025» далалық оқу-жаттығу жиыны 2025 жылғы маңызды әскери-патриоттық іс-шаралардың бірі ретінде табысты өтті.
Жиын аясында өңірдегі 16 техникалық және кәсіптік білім беру ұйымынан 150-ден астам студент жастар қатысып, 7 түрлі әскери-спорттық ойын түрі бойынша өзара бақ сынады. Қатысушылар саптық дайындық, қаруды шашып-жинау, кедергілер жолағынан өту, тактикалық тапсырмаларды орындау секілді бағыттарда шеберліктері мен шыдамдылықтарын көрсетті.
Аталған оқу-жаттығу жиыны жастардың әскери дағдыларын жетілдіруге, патриоттық рухын нығайтуға және командалық бірлігін арттыруға зор үлес қосты.
Жалпы командалық есеп бойынша жеңімпаздар төмендегідей анықталды:
- III орын — Бәйтерек колледжі
- II орын — Орал гуманитарлық-техникалық колледжі
- I орын — Орал ақпараттық-технологиялар колледжі
Жеңімпаз командалар дипломдармен, кубоктармен және бағалы сыйлықтармен марапатталды.
Барлық қатысушыларға алғыс білдіре отырып, осындай игі іс-шаралар алдағы уақытта да жастардың Отанға деген сүйіспеншілігін арттыра түсетініне сенім білдіреміз.