ТАЗА ҚАЗАҚСТАН: ТЕРЕКТІДЕ СЕНБІЛІК ӨТТІ

Теректі ауданында «Таза Қазақстан» республикалық экологиялық акциясы аясында кезекті сенбілік ұйымдастырылды. Аудан тұрғындары, мекеме қызметкерлері, жастар мен еріктілер тазалық шарасына белсене қатысып, ортақ іске өз үлестерін қосты.

Сенбілік барысында белгіленген аумақтарда тазалық жұмыстары жүргізілді. Қатысушылар ауыл көшелерін, қоғамдық орындарды қоқыстан тазартып, қоршаған ортаны көркейтуге атсалысты.

Іс-шараның негізгі мақсаты – аудан тазалығын сақтау, табиғатты қорғау және тұрғындардың экологиялық мәдениетін арттыру. Бұл бағыттағы жұмыстар халықтың туған жерге деген жанашырлығын арттырып, ортақ жауапкершілікті нығайтуға сеп болды.

Айта кету керек, мұндай сенбіліктер аудан көлемінде тұрақты түрде өткізіліп келеді. Тазалық шарасына белсенді қатысқан тұрғындар өз ауылдарының көркеюіне үлес қосып, бірлік пен ынтымақтың үлгісін көрсетті.