МАНСАП ОРТАЛЫҒЫНДА ЖАҢА БАСШЫ
МАНСАП ОРТАЛЫҒЫНДА ЖАҢА БАСШЫ
«Батыс Қазақстан облысы әкімдігі жұмыспен қамтуды үйлестіру және әлеуметтік бағдарламалар басқармасының «Еңбек мобильділігі орталығы» коммуналдық мемлекеттік мекемесінің филиалы Сырым аудандық мансап орталығы Сәбит Өмірзақов басшы болып тағайындалды.
Жаңа басшыны ұжымына облыстық еңбек мобильділігі орталығының өкілі Саян Баймұханов таныстырды.
Сәбит Өмірзақов еңбек жолын 2010 жылы Сырым ауданы әкімі аппаратының ұйымдастыру және бақылау жөніндегі бөлімінде бас маман болып бастады.
2011-2018 жылдар аралығында Сырым аудандық жұмыспен қамту орталығында маман болды.
2018 жылдан осы кезге дейін Сырым аудандық мансап орталығының құрылымдық бөлімше басшысы қызметін атқарды.
Бүгінгі таңда қазақстандық жанұялардың әлеуметтік мәселелерін шешу тетігі ретінде - олардың табысын арттыру, мамандық игеру, кәсіпке ынталандыру жұмыстары қолға алынуда. Сәбит Өмірзақов басқаратын мекеменің мойынында осындай үлкен міндет тұр.
“Сырым елі”