АУДАН АУМАҒЫНДА СЕНБІЛІК ЖҰМЫСТАРЫ ЖҮРГІЗІЛУДЕ

Ауданымызда бейсенбі және жұма күндері аралығында бітелген шүмектерді тазарту, құбырлардың қарларын ашу, жол жиектеріндегі қарды тазалау мақсатында аудандық мекеме және ұжымдық ұйымдардың қатысуымен сенбілік жұмыстары ұйымдастырылуда.

Қазіргі таңда ауданымызда арықтар қардан тазартылып, су өткізу шүмектері мен су арналары ашылып, тазалау жұмыстары қарқынды жүргізілуде. Бұл шаралар көктем мезгілінде қар суларының кедергісіз ағуын қамтамасыз етуге бағытталған.

Құрметті аудан тұрғындары!

Бірлескен жұмыс - ортақ қауіпсіздіктің кепілі. Аудан тазалығы мен тұрғындардың қауіпсіздігі әрқайсымызға ортақ міндет екенін еске саламыз.

Осыған орай, барлық ауыл тұрғындарынан аулаларындағы қарды сыртқа шығарып, арнайы техниканың кедергісіз тиеп әкетуіне қолайлы жағдай жасауларыңызды сұраймыз.

Құбаева Нұрайлым