“АЛАШ IQ” ОҚУ ОРТАЛЫҒЫНЫҢ САЛТАНАТТЫ АШЫЛУЫ ӨТТІ

Ағымдағы жылдың 30 қаңтар күні ауданымызда ерекше шара - “Алаш IQ” оқу орталығының ашылу салтанаты өтті. Іс-шара аудан әкімі Жұмагелді Батырниязовтың құттықтау сөзімен басталып, жаңа орталықтың ашылуы қоғам мен білім саласына қосқан маңызды бастама екенін атап өтті.

Келесі сөз кезегі Алмажай Сүлейменованың атасы - Мұқан Жүсіповке беріліп, құттықтау сөз сөйлеп, сәттілік тіледі.

Сонымен қатар, “Алаш IQ” оқу орталығының негізін қалаушы - Алмажай Сүлейменова орталықтың мақсаты, міндеттері мен оқушыларға көрсетілетін мүмкіндіктер туралы айтып өтті.

Аудан әкімі Жұмагелді Батырнизов пен Алмажай Сүлейменованың алғашқы ұстазы - Алтынай Сәрсенғалиеваның қатысуымен салтанатты лента қию рәсімі жасалды. Бұл сәт - жаңа оқу орнының білім әлеміне қадам басуын маңызды түрде білдіріп, келешек жетістіктердің бастауы болды.

“Алаш IQ” оқу орталығының ашылуы - жастардың білімге деген құштарлығын арттыруға, жылдам оқуға, шығармашылық және интеллектуалды қабілеттерін дамытуға бағытталған маңызды қадам. Бұл орталық көптеген шәкірттердің дамуы мен болашаққа сенімді қадам жасауына мүмкіншілік береді.

 

Құбаева Нұрайлым