ҰСТАЗДАР ҰЛТТЫҚ НАҚЫШТА ТАҢДАУ ЖАСАДЫ
Бүгін, 26 қазан күні аудандық мәслихаттың #1 бірмандаттық аумақтық сайлау округі бойынша шығып қалған депутаттың сайлау науқаны аясында М.Қаналиев атындағы орта мектептің ұстаздары ерекше үлгі көрсетті.
Мектеп мұғалімдері ұлттық киім киіп, сайлау учаскесіне келіп дауыс берді. Қазақы өрнекпен кестеленген камзол киген ұстаздардың бұл бастамасы көпшіліктің назарын аударды.
Ұстаздар қауымы сайлауға қатысуды тек азаматтық борыш емес, елге үлгі боларлық іс деп санайтынын жеткізді.
— «Ұлттық киім – біздің рухымыздың көрінісі. Ал сайлауға келу – ел болашағына деген жауапкершілігіміздің белгісі», — дейді ұстаздар ұжымы.
Мектеп ұжымының бұл қадамы елдік рухты көтеріп, сайлау күніне мерекелік сән берді.
Шынар МОЛДАНИЯЗОВА