ОТБАСЫЛЫҚ ТАҢДАУ – ЕЛ БОЛАШАҒЫНА ҮЛЕС
Бүгінгі Алғабас ауылындағы #316 сайлау учаскесінде аудандық мәслихат депутаттарын сайлау науқаны жалғасуда. Бұл күні сайлау учаскелеріне ауыл тұрғындары белсенді қатысып, өз таңдауларын жасаушы халықтың қарасы көбейді.
Алғабас ауылдық округіндегі сайлау учаскесінде таңсәріден бастап-ақ сайлаушылар легі тоқтаған жоқ. Солардың қатарында еңбек ардагері, зейнеткер Марзия Шынтемірова апай да бар. Өмірінің әр кезеңінде ауылдың өркендеуі үшін түрлі салада еңбек еткен ардагер бүгінде елдің бірлігі мен тұрақтылығын жоғары қоятынын айтты. Марзия апайдың бала-келіні – Нұртай Шынтеміров және келіні, ұстаз Рая Утегенова да өздерінің азаматтық борыштарын орындап, дауыс беруге қатысты.
Сайлау учаскесіне сондай-ақ көп балалы отбасы – Қазбек Қанатов пен жары Жанар Ғалымова да келді. Олар М.Қаналиев атындағы орта мектепте кіші қызметкер болып еңбек етеді. Олар сайлауға бірге келіп, отбасылық жауапкершілікпен қатысты.
Шынар МОЛДАНИЯЗОВА