ҚАДЫР ЕЛІНДЕГІ КАДРЛЫҚ ӨЗГЕРІСТЕР

Сырым ауданының әкімі Жұмагелді Батырниязов бірқатар кадрлық өзгерістермен таныстырды.

Әкімнің өкімімен Сырым ауданы әкімі аппаратының басшысы болып Тілегенов Максим Тоқтамысұлы тағайындалды. Максим Тоқтамысұлы бұған дейін Батыс Қазақстан облысы әкімі аппаратының агроөнеркәсіптік кешенді дамыту бөлімінің бас инспекторы лауазымында қызмет атқарып, мемлекеттік қызмет саласында мол тәжірибе жинаған білікті маман.

Сонымен қатар аудандық қорғаныс істері жөніндегі бөлімінің басшысы лауазымына Серік Саянов, аудандық электр торабының басшысы лауазымына Берік Ізмағамбетов келді.

- Жаңа әріптестерімізден жоғары жауапкершілік, кәсібилік және бастамашылдық күтеміз. Әрбір басшы өз саласында нақты нәтижелерге қол жеткізіп, ауданның дамуына үлес қосуы тиіс. - деді Жұмагелді Жолдыбайұлы.

Б. ШИРМЕДИНҰЛЫ,

Сырым ауданы