ҚОСОБАЛЫҚ ТҮЛЕКТЕР ДОМБЫРА СЫЙЛАДЫ

Ауданымызда дәстүрге сай "Домбыра сыйла" акциясына Қособа мектебінің бітіруші 20 жылдық түлектері өздерінің алтын ұя мектептеріне 15 домбыра сыйлады.

Түлектер тек мектепке емес, білім нәрімен сусындатқан ұстаздарына кезек-кезек алғыс айтып, гүл шоқтарын сыйлады.

Аудандық білім беру бөлімі басшысының міндетін уақытша атқарушы Берік Жанболсынов мектеп түлектерін құттықтап, ұстаздар қауымына ұлағатты ұрпақ тәрбиелеуде сәттілік тіледі.

- Ұрпақ қамын ойлап, түлеп ұшқан алтын ұя мектептеріңізді ұмытпай келгендеріңізге алғыс. Осы домбыраларды күмбірлетер күйшілер шығады деген үміттеміз,- деп жылы лебізін білдірді мектеп директоры Жансұлтан Нұрмұханов.