АУЫЛДЫ ӨНІМІНЕН ТАНЫ!

Орал қаласында Батыс Қазақстан облысының өңірлік кәсіпкерлер палатасы «Бір ауыл – бір өнім» жобасы аясында көрме ұйымдастырды. Шаруалар өз өнімдерін жаймалаған шараға Батыс Қазақстан облысы әкімінің орынбасары Қалияр Айтмұхамбетов, БҚО кәсіпкерлік және индустриялық – инновациялық даму басқармасының басшысы Н. Өтепбаев қатысты.

«Атамекен» ұлттық кәсіпкерлер палатасы Сырым аудандық филиалының директоры Салтанат Жұмағұлованың айтуынша, «Бір ауыл – бір өнім»– кем дегенде бір бәсекеге қабілетті өнімді өндіру арқылы ауылды дамыту тұжырымдамасына негізделген жергілікті ресурстардан өнімді жасау және жылжыту бойынша қызметтер көрсетуге бағытталған жоба. Мақсаты – жергілікті және оқшауланған ресурстардан, оның ішінде ауылдық деңгейде өңірлік өнімдерді анықтау, сондай-ақ өндіріс технологияларын жетілдіруге жәрдемдесу және сыртқы және ішкі нарықтарға шығуды ілгерілету.

«Бір ауылдың өнімі» деп кез – келген өнімді таныстыра беруге болмайды. Оның да талаптары бар.

Тауар жергілікті оқшауланған шикізаттан өндірілуі тиіс;

Дайындалу кезінде қарапайым құралдар мен механизмдер қолданылуы керек әрі мүмкіндігінше ол өндірілетін аумақтың өңірлік ерекшелігін көрсетуі және қамтуы тиіс;

Әрине, өнім құрамында қауіпті немесе зиянды заттар болмауға, өнімді (тауарды) қауіпсіз тасымалдау үшін қажетті қаптаманың болуын ескерілуі, сондай - ақ өнім (тауар) тез бұзылатын санатқа жатпауға, яғни сақтау мерзімі 5 (бес) күннен аспауға тиісті.

Міне, осы ерекшеліктер сақталғанда ғана өнім ауылының бренді бола алады.

«Бір ауыл – бір өнім» жобасы нәтижелі ме? Көрмеде Сырым ауданының бренді ретінде қандай өнімдер таныстырылды?

Келесі жарияланымдарды қараңыз…