Энергетиктер күні – ел экономикасының тірегі саналатын энергетика саласында еңбек етіп жүрген мамандардың кәсіби мерекесі.
Осы атаулы күнге орай сала ардагерлерін және қызметкерлерін аудан әкімінің орынбасары Миржан Нұртазиев кәсіби мерекелерімен құттықтап, көпжылдық адал еңбегі, жоғары жауапкершілігі және энергетика саласының дамуына қосқан елеулі үлестері үшін марапаттады.
Мерекелік жиында энергетика саласының өңірдің әлеуметтік-экономикалық дамуындағы маңызы ерекше екені атап өтіліп, тұрғындарды жарықпен, жылумен және тұрақты энергиямен қамтамасыз етудегі мамандардың тынымсыз еңбегіне зор алғыс білдірілді. Қыстың қақаған аязы
мен жаздың аптап ыстығына
қарамастан, халыққа үздіксіз қызмет көрсетіп жүрген энергетиктердің еңбегі – әрдайым құрметке лайық.
Сонымен қатар, сала қызметкерлеріне алдағы уақытта да абыройлы еңбек етіп, жаңа жетістіктерге жете беруіне тілектестік білдіріліп, жұмыстарына толағай табыс тіледі.
