🛒ШЫҢҒЫРЛАУ АУДАНЫНДА «БАЯНСҰЛУ» САУДА ҮЙІ АШЫЛДЫ

Бүгін Шыңғырлау ауданында сәні мен салтанаты жарасқан «Баянсұлу» сауда үйінің салтанатты ашылу рәсімі өтті. Ауыл ажарын айшықтайтын жаңа нысан тұрғындар үшін қолайлы әрі заманауи қызмет көрсетуді мақсат етеді.

Салтанатты шарада аудан әкімі Мұрат Өмірәлиев құттықтау сөз сөйлеп, жаңа сауда үйінің іске қосылуы ауданның әлеуметтік-экономикалық дамуына оң ықпал ететін маңызды қадам екенін атап өтті.

— Ауылымыздың көркін арттырып, тұрғындардың күнделікті тұрмысына жайлылық сыйлайтын бұл нысанның ашылуы – баршамыз үшін үлкен қуаныш. «Баянсұлу» сауда үйі сапалы әрі сәнді киімдерге деген сұранысты қамтамасыз етіп қана қоймай, жергілікті кәсіпкерліктің дамуына, жаңа жұмыс орындарының ашылуына мүмкіндік береді, — деді аудан әкімі.

Жаңа сауда үйінің ашылуы ауыл тұрғындары тарапынан жылы қабылданып, келген қонақтар мен тұрғындар «Кисимбетова» жеке кәсіпкерінің басшысы Баянсұлу Бақытжанқызына сәттілік тілеп, игі бастамаға ақжарма тілектерін білдірді.