АУДАН ӘКІМІ БАҚ ӨКІЛДЕРІН КӘСІБИ МЕРЕКЕЛЕРІМЕН ҚҰТТЫҚТАДЫ

Шыңғырлау ауданының әкімі Мұрат Өмірәлиев жергілікті “Серпін” газетінің ұжымын қабылдап, оларды Бұқаралық ақпарат құралдары қызметкерлері күнімен шын жүректен құттықтады.

Кездесу барысында аудан басшысы өңірдің тыныс-тіршілігін шынайы әрі жедел түрде халыққа жеткізіп жүрген журналистердің еңбегіне жоғары баға беріп, олардың қоғамдағы орны мен рөлін атап өтті.

– Сіздердің қаламдарыңыз арқылы аудан өмірі көрініс табады. Ел мен билік арасындағы алтын көпір болып, жауапты миссия атқарып келесіздер. Еңбектеріңіз әрдайым ел игілігі үшін жұмсалсын, – деді аудан әкімі өз сөзінде.

Кездесу соңында редакция ұжымына естелік сыйлықтар табыстап, шығармашылық табыс тіледі.