Орал қаласында «Халық қатысатын бюджет» арқылы жобалық ұсыныстарды қабылдау 20 қаңтарға дейін ұзартылды.

Жобалық ұсыныстар Орал қаласы әкімдігінің ресми сайты арқылы (сайтқа өту https://www.gov.kz/.../uralsk/press/news/details/660031...) қабылданады.

Ұсыныстарды қабылдау келесі санаттар бойынша жүргізіледі:

- аумақты көгалдандыру;

- тротуар жайластыру;

- тротуарлар, пандустар, арықтар салу және жөндеу;

- жалпы пайдалану орындарын (саябақтар, скверлер, жаяу жүргіншілер аймақтары, көшелер және басқа объектілер) құру, жөндеу және жарықтандыру;

- жиектерді, кеспетастарды, тіреуіш қабырғаларды жөндеу;

- қоқыс тастайтын жерлерді жою;

- жалпы пайдалану орындарында балалар ойындары және ересек тұрғындардың демалысы үшін алаңдар, орындықтар, урналар, жабдықтар мен құрылымдарды орнату және жөндеу;

- аула аумақтарында және жалпы пайдалану орындарында спорттық (жаттығу алаңдарын, футбол, баскетбол, волейбол алаңдарын), балалардың ойын алаңдарын орнату, жөндеу және жарықтандыру;

- санитарияны қамтамасыз ету;

- спорт және мәдениет объектілерін жөндеу.

Жобалық ұсыныстарға қойылатын талаптар:

- бір өтінім-бір объект;

- ортақ пайдалану объектісі;

- қала тұрғындары үшін өзектілігі;

- бір бюджеттік жыл ішінде іске асыру мүмкіндігі;

- жобалық ұсынысты іске асыру әкімдіктің құзыреті шегінде болуы тиіс.