БАТЫС ҚАЗАҚСТАН ОБЛЫСЫНДА ЭТНОМӘДЕНИ БІРЛЕСТІКТЕР АРАСЫНДА"ДОСТЫҒЫ ШАЛҚЫҒАН ШАҢЫРАҚ"ОБЛЫСТЫҚ БАЙҚАУЫ ӨТТІ

БАТЫС ҚАЗАҚСТАН ОБЛЫСЫНДА

ЭТНОМӘДЕНИ БІРЛЕСТІКТЕР АРАСЫНДА"ДОСТЫҒЫ ШАЛҚЫҒАН ШАҢЫРАҚ"ОБЛЫСТЫҚ БАЙҚАУЫ  ӨТТІ

Батыс Қазақстан облысының мәдениет, тілдерді дамыту және архив ісі басқармасының ұйымдастыруымен Қазақстан халқы Ассамблеясының 30 жылдығы аясында және бірінші мамыр – Қазақстан халықтарының бірлігі күні қарсаңында этномәдени бірлестіктер арасында «Достығы шалқыған шаңырақ» атты облыстық байқау өтті.

Басқарма басшысының орынбасары Жеңіс Махамбетұлы өзінің құттықтау сөзінде «Бүгінгі шара – достық пен бірліктің, татулық пен өзара құрметтің белгісі. Әр этнос өкілінің қазақ тіліне деген құрметі, мемлекеттік тілді меңгеруге деген ұмтылысы – еліміздегі қоғамдық келісім мен ұлттық бірліктің басты көрсеткіші. Өз ұлтының салт-дәстүрін сақтай отырып, мемлекеттік тілді еркін меңгерген азаматтарымызға үлкен алғысымызды білдіреміз» - деп, қатысушыларға сәттілік тіледі.

Байқауға Бәйтерек, Бөрлі, Тасқала, Теректі аудандары мен Орал қаласының этномәдени бірлестіктерінен құралған командалар қатысып, өзара білімдері мен өнерлерін ортаға салды. Барлығы 18 адам қатысты.

Байқау 4 кезеңнен тұрды:

«Таныстыру» – командалардың өзін мемлекеттік тілде таныстыруы;

«Мақал – сөздің мәйегі» – мақал-мәтел айту сайысы;

«Салт-дәстүр – сан ғасырлық мұра» – өз ұлтының салт-дәстүрін сипаттау;

«Шабыт жұлдызы» – ана тілінде өнер көрсету.

Қазылар алқасы құрамында белгілі ақындар, өнер және мәдениет қайраткерлері болды.

Байқау қорытындысы келесідей:

І дәрежелі диплом – Теректі ауданы  этномәдени бірлестігінің «Фройндшафт»  командасы;

ІІ дәрежелі диплом – Бәйтерек ауданы  этномәдени бірлестігінің «Ынтымақ» командасы;

ІІІ дәрежелі диплом – Бөрлі ауданы  этномәдени бірлестігінің «Бірлік»  командасы;

Алғыс хаттар - Орал қаласы  этномәдени бірлестігінің «Бір шаңырақ»  және Тасқала ауданы  этномәдени бірлестігінің «Достық»  командалары.

Байқау қорытындысында жеңімпаздар мен жүлдегерлер дипломдар және бағалы сыйлықтармен марапатталды.

Осындай игі іс-шаралар халқымыздың бірлігі мен достығын нығайта берсін!Бірлігі жарасқан елдің болашағы - әрдайым жарқын !