2022 жылы "Нұрлы жер" бағдарламасы шеңберінде ауылдық елді мекендерде жергілікті атқарушы орган кезегінде тұрғандар үшін 37 тұрғын үй құрылысы жүргізілуде. Оның ішінде Ақжайық ауданы – 3 үй (60 пәтер), Казталов ауданы - 2 үй (24 пәтер), Жаңақала ауданы - 21 үй (61 пәтер), Қаратөбе ауданы – 3 үй (12 пәтер), Тасқала ауданы – 1 үй (18 пәтер), Теректі ауданы - 6 үй (144 пәтер), Шыңғырлау ауданы – 1 үй (45 пәтер).
Жылдың қорытындысы бойынша ауылдық елді мекендерде жергілікті атқарушы орган кезегінде тұрғандар үшін 34 тұрғын үйді пайдалануға беру жоспарлануда. Бұл Ақжайық ауданындағы 3 үй, Казталов ауданындағы 2 үй, Жаңақала ауданындағы 21 үй, Қаратөбе ауданындағы 3 үй, Тасқала ауданындағы 1 үй, Теректі ауданындағы 3 үй, Шыңғырлау ауданындағы 1 үй, барлығы 292 пәтер. Бүгінгі күні Жаңақала ауданындағы 1 үй (21 пәтер) қолданысқа енгізілді.
Пәтерлер жергілікті атқарушы орган кезегінде тұрған халықтың әлеуметтік осал топтары мен аз қамтылған көпбалалы отбасыларға қолданысқа беріледі.