Ресей Федерациясы Саратов облысы делегациясының ресми сапары
Батыс Қазақстан облысының әкімі Ғ.Н.Есқалиев пен Саратов облысының губернаторы В.В. Радаевтың 2020 жылғы 17 қарашада өткен онлайн кездесуі және 2021 жылғы 16-18 наурыз аралығында агроөнеркәсіптік кешен саласында өзара тиімді қатынастар орнату туралы уағдаластықтар шеңберінде Саратов облысы делегациясының ресми сапары ұйымдастырылды.
2021 жылғы 17 наурызда Батыс Қазақстан облысы әкімінің орынбасары Б.Нарымбетовтың төрағалығымен Саратов және Батыс Қазақстан облыстары экономикасының басым салаларында өзара тиімді қатынастар орнату мәселелері бойынша дөңгелек үстел өткізілді. Дөңгелек үстел аясында Батыс Қазақстан облысының инвестициялық әлеуеті таныстырылды. Оның ішінде Саратов облысының экономикалық даму министрінің кеңесшісі Ю.Е.Аршинов Саратов облысының экономикалық, өнеркәсіптік және инвестициялық әлеуетін қайта қарады.Сонымен қатар, 2019 жылы құрылған Саратов және Батыс Қазақстан облыстарының іскерлік клубының негізінде Батыс Қазақстан облысында шағын және орта бизнесті дамыту мәселесі талқыланды.
Сапар аясында Батыс Қазақстан облысының Кәсіпкерлер Палатасы базасында Саратов және Батыс Қазақстан облыстары кәсіпкерлерінің бизнес-миссиясы өткізілді. Кездесуге облыстың 22 компаниясының өкілдері қатысты. Саратов экспорттаушыларының каталогы ұсынылды, b2b кездесулер өткізілді.
Соның ішінде, М.Өтемісов атындағы ЗКУ қабырғаларында Саратов және Батыс Қазақстан облыстарының ЖОО мен колледждерінің қатысуымен дөңгелек үстел өткізілді. Кездесу барысында денсаулық сақтау, ғылым және білім беру салаларындағы ынтымақтастықты дамыту перспективалары мәселелері талқыланды. "Батыс Қазақстан жоғары медициналық колледжі" ЖШС мен "В.И. Разумовский атындағы Саратов мемлекеттік медицина университеті" ФМБОУ арасында медицина саласында бірлескен ғылыми жобаларды іске асыруда өзара іс-қимыл жасау және тәжірибе алмасу бойынша уағдаластық орнатылды.
Сондай-ақ, сапар аясында делегация "Стекло-Сервис" ЖШС, "Квант" ЖШС, "Орал трансформатор зауыты" ЖШС, "Пойма май комбинаты" ЖШС, "Нұржанар"ЖШС-да болды.