19 наурыз – Жаңару күні

Наурызнама онкүндігі аясында 19 наурыз – Жаңару күні. Бұл күн табиғаттағы, елдің және әр адамның өміріндегі жаңа кезеңнің басталуын білдіреді. Жаңару – дамудың қозғаушы күші, өсу мен жасампаздыққа бастайтын қуат көзі.

«Жаңару» күні барша азаматтарды ортақ мақсаттарға жету жолында бірігуге және ынтымақта болуға үндейді.

Наурыз айында ел аумағында отырғызатын жаңа көшеттер тәрізді бұл күндері қоғамдық мәдениетке Наурыздың жаңа дәстүрлері сіңіріледі.  Отырғызылған көшеттер өніп шығып, ағаштар жеміс бергені сияқты жаңа идеялар бен құндылықтар өз жемісін беріп, қоғамымызды нығайтып, өркендеуге жетелейді.