Батыс Қазақстан облыстық мәслихатының 20-ші кезекті сессиясы

Ағымдағы жылдың 26 тамызда 2025 жылға арналған облыстық бюджет нақтыланды, бюджеттің көлемі 18,0 млрд. теңгеге ұлғайтылды.

Негізгі шығыстар тұрғын үй-коммуналдық шаруашылыққа, білім беруге, жолдарға бағытталды. Соның ішінде, жылу, сумен жабдықтау және су бұру жүйелерін реконструкция және құрылыс үшін, сондай-ақ электрмен жабдықтауды қайта құруға кредит беруге 14,9 млрд. теңге қарастырылуда.

Өзгерістерді ескере отырып, 2025 жылға арналған облыстық бюджеттің көлемі 541,8 млрд. теңгені құрады.

Сессия жұмысына облыс әкімінің орынбасары Т.Каюпов, облыстық мәслихаттың  депутаттары,   тиісті облыстық басқармалардың басшылары қатысты.

Сессия  жұмысын облыстық мәслихаттың төрағасы М.Мұқаев жүргізді.

Батыс Қазақстан облыстық мәслихатының 2024 жылғы 13  желтоқсандағы № 16-1 «2025-2027 жылдарға арналған облыстық бюджет туралы» шешіміне өзгерістер енгізу туралы  баяндама жасаған Батыс Қазақстан облысының қаржы басқармасы басшысы Н.Есенғалиев, нақтылауға ұсынылып отырған облыстық бюджетінің кіріс және шығыс бөлігіне тоқталып, негізгі бағыттарын айтып өтіп, депутаттар қойған сұрақтарға жауап берді.