«Nur Otan» партиясы орталық аппаратының келісімімен, партияның БҚО филиалы төрағасының бірінші орынбасары М.Мұқаевтың 24 қаңтардағы №10-JQ бұйрығымен Зейнуллин Абат Кәрімұлы «Nur Otan» партиясы аудандық филиалы төрағасының бірінші орынбасары лауазымына тағайындалды.
Зейнуллин Абат Кәрімұлы – 1980 жылы 31 қаңтарда дүниеге келген. Білімі жоғары. Отбасылы.
2002 жылы Батыс Қазақстан мемлекеттік аграрлық университетін «Ветеринарлық медицина», 2008 жылы Батыс Қазақстан инженерлік-технологиялық университетін «Есеп және аудит» мамандығы бойынша аяқтаған.
Алғашқы еңбек жолын 2003 жылы Қаратөбе аудандық жасөспірімдер туризмі және экология орталығының шаруашылық меңгерушісі қызметінен бастаған.
2005-2021 жылдар аралығында мемлекеттік қызмет саласында, соның ішінде аудандық ішкі саясат бөлімінің басшысы, Егіндікөл, Қаратөбе ауылдық округтерінің әкімі лауазымдарында еңбек етті.
2021 жылдың 1 сәуірінен бастап қазіргі уақытқа дейін Қаратөбе аудандық орталықтандырылған кітапханалар жүйесінің директоры қызметін атқарды.
"Қаратөбе өңірі" газеті