Қаратөбе ауылдық округінің әкімі тағайындалды

2021 жылдың 28 сәуір күні Қаратөбе ауданының әкімі Ж.А.Асантаев Қаратөбе ауылдық округінің қызметкерлеріне жаңа әкімді таныстырды.

Қаратөбе аудандық аумақтық сайлау комиссиясының 2021 жылғы 19 сәуірдегі №5 санды қаулысына және Қаратөбе ауданы әкімінің 2021жылғы 27 сәуірдегі №60 өкіміне сәйкес арнайы тексерудің оң нәтижесін алған күнге дейін Қаратөбе ауылдық округінің әкімі міндеттерін уақытша атқару үшін Муса Берікқали Жақсылықұлы қабылданды.

Муса Берікқали Жақсылықұлы - 1972 жылдың 28 мамырында Батыс Қазақстан облысы, Қаратөбе ауданы, Сулыкөл ауылында дүниеге келген. Білімі жоғары. 1994 жыл - Батыс Қазақстан ауылшаруашылығы институтын «Зооинженер» мамандығы бойынша бітірген.

Алғашқы еңбек жолын «Қалдығайты» өндірістік кооперативі, «Төлен» бөлімшесінің зоотехнигінен бастаған, 1997 - 2003 ж.ж. «Төлен» шаруа қожалығының жетекшісі, 2003 - 2010 ж.ж. аудандық статистика бөлімінің Сулыкөл селолық округі бойынша маманы, 2010 жылдан осы уақытқа дейiн Сулыкөл ауылдық округінің әкімі қызметтерін атқарған.

Жанұялы 2 ұл, 1 қызы бар.

Жаңадан тағайындалған әкімге аудан әкімі Жанат Асылханұлы алдағы уақытта ауылдық округтің әлеуметтік-экономикалық даму қарқынын арттыру, абаттандыру жұмыстарын жолға қою, кәсiпкерлiкті дамыту сынды өзiне жүктелген мiндеттердiң iске асырылуы үшiн бар күш-жігерін салуына тілек білдірді.