Жас дзюдошылар жеңісі

Ағымдағы жылдың 5-7 маусым күндері Атырау облысы, Қызылқоға ауданында Қазақстан Республикасының Рәміздері күніне арналған дзюдо күресінен жасөспірім ұлдар мен қыздар арасында ашық турнир өтті.

Осы жарыста Қаратөбе ауданының намысын қорғаған саралжындық «AQBAQAI ARLANDARY» командасының шәкірттері жоғары нәтиже көрсетіп, жеңімпаздар мен жүлдегерлер қатарынан көрінді.

Жарыс қорытындысында 25 келі салмақ дәрежесінде І орынды Айару Аманбай, 46 келі салмақта І орынды Ернұр Еленбай, +46 келі салмақта І орынды Мереке Нәсіпқали иемденіп, жарыс жеңімпаздары атанды. Сонымен қатар, 30 келі салмақ дәрежесінде Еңлік Сабырғали жүлделі ІІ орыннан көрінсе, 32 ккелі салмақта Ахмад Қуаныш ІІІ орынға тұрақтады.

– Осы турнирге қатысуымызға қолдау көрсеткен ауылымыздың кәсіпкер азаматы Әмірғазиев Көппай ағамызға және барша шәкірттерімнің ата-аналарына шынайы алғысымды білдіремін. Жас спортшыларымыздың жеңісті жолы жалғаса берсін. Жеңісті күндеріміз көп болсын!- дейді Жас спортшылардың жаттықтырушысы Ертілеу Ерғожин.