Аудандық ішкі саясат бөлімінде – жаңа басшы

Қаратөбе ауданы әкімінің 2020 жылғы 6 қазандағы №165 өкімімен аудандық ішкі саясат бөлімінің басшысы болып Сафуллин Нұртас Набиоллаұлы тағайындалды.

Жаңа тағайындау туралы өкімін оқып, жаңа басшыны ұжымға таныстырған аудан әкімінің міндетін уақытша атқарушы Рашит Иманғалиев бөлім басшысының жаңа қызметіне табыс тіледі.

Сафуллин Нұртас Набиоллаұлы 1987 жылы 5 қыркүйекте БҚО, Қаратөбе ауданы, Егіндікөл ауылында дүниеге келген.

1993-2004 ж.ж. Егіндікөл орта мектебінде орта білім алған. Екі жоғары білімді.

2004-2008 ж.ж. Жәңгір хан атындағы БҚАТУ-дың политехникалық факультетінде «Электроэнергетика» мамандығы бойынша білім алған, екінші жоғары білімін «Құқықтану» мамандығы бойынша алған.

2008-2010 ж.ж. аралығында бірінші мамандығы бойынша «Жайық жылу қуат» АҚ-да қызмет атқарған.

2010-2019 ж.ж. «Жайық Пресс» ЖШС қарасты облыстық «Орал өңірі» қоғамдық саяси газетінде тілші, гуманитарлық бөлім меңгерушісі қызметтерін атқарған.

2019 жылдан осы уақытқа дейін «DANА kaz» тарихи танымдық журналының бас редакторы қызметін атқарған.

«Егіндікөл тарихы», авторлық бірлестікте «Өрісті өнер өнегесі», «Аласармайтын асқар тау» кітаптарының авторы.