Аудан әкімдігінің мәжіліс залында аудандық төтенше жағдайлардың алдын алу және жою жөніндегі комиссияның кезекті отырыс өтті

Жиынға аудан әкімінің орынбасары М.Шайжанов төрағалық етіп күн тәртібіне 2025-2026 жылдардағы жылыту маусымында өрт қауіпсіздігін қамтамасыз ету, 2025-2026 жылдардағы қысқы кезеңде автомобиль жолдары мен коммуналдық қызмет көрсету және тіршілікті қамтамасыз ету нысандарындағы төтенше жағдайлардың алдын алу, Аудандағы санитарлық-эпидемиологиялық және эпизоотиялық жағдай, адамдар мен жануарлардың жұқпалы ауруларының алдын алу сынды бірнеше мәселе қойды.

Күн тәртібіндегі мәселе бойынша сөз алған аудандық төтенше жағдайлар бөлімінің бастығы М.Искаков жылыту маусымында өрт қауіпсіздігін қамтамасыз ету туралы баяндады.

– 2025-2026 жылдарының жылу беру кезеңінде аудан аумағында тұрғын үй секторында 1 өрт оқиғасы тіркелді. Былтырғы жылы жылыту кезеңімен салыстырғанда 1 өрт яғни теңесіп отыр. 2024-2025, 2025-2026 жылдарының жылу беру кезеңі бойынша өрт салдарынан қаза тапқан немесе жарақат алған адамдар болған жоқ.

Өткен жылу беру кезеңінде өрттің орын алу себебі электр сымдарының қысқа тұйықталуынан. Өрт болаған үй иесіне ҚР ӘҚБК-нің 410 бабы бойынша хаттама толтырылды.

Жыл сайынғы тәжірибеге сүйене отырып, аудан аумағында жеке қауіпсіздік мәдениетін арттыруға және өртке қарсы іс-шараларды жаппай насихаттауға бағытталған профилактикалық жұмыстары жүргізілуде.

Қаратөбе ауданының Төтенше жағдайлар бөлімімен «2025-2026 жылдардағы жылу беру кезеңінде тұрғын үй секторында өрт профилактикасын жүргізу жоспары» аудан әкімімен бекітіліп, жасақталды.

2023-2024 жылдарының жылу беру кезеңінде аудандық жеке кәсіпкерлердің қолдауымен аудан аумағында халықтың әлеуметтік осал топтарына 11 улы газ датчиктері орнатылды. Аудан бойынша тұрғын үй секторында жарияланған өрт қауіпсіздігі айлығына сәйкес 3872 тұрғын үйде 5003 адам қамтылған аулалық шолу жүргізіліп, тұрғындарға өрт қауіпсіздігі жөнінде 5000-ға жуық жадынама, үнпарақтар мен ұсыныстар таратылды, - деді.

Кезегінде сөз алған аудандық санитарлық-эпидемиологиялық бақылау басқармасының басшысы Анар Нұрмағанбетова жұқпалы ауруларының алдын алу туралы баяндады.

– Қаратөбе ауданы бойынша бүгінгі күні эпидемиологиялық ахуал қалыпты жағдайда. Ағымдағы жылдың 7 айында іш сүзегі, күл, сіреспе, эпид.паротит, көкжөтел, сал ауруы, қызамық, қызылша жағдайлары тіркелмеді. Жануарлар арасында эпидемиологиялық жағдай күрделі. Құтыру ауруы ауданымызда адамдар арасында тіркелген жоқ. 2025 жылдың 7 айында антирабиялық көмекке жүгінген адамдар саны – 15. Көбінесе жарақат алғандары 4-17 жасқа дейін -8 бала, ересектер -7 адам. Жарақаттанғандар аудандық ауруханадан антирабиялық көмек алды, тек жыл сайын бұралқы ит көбейіп отыр (итке қабылған адам саны-15, соның ішінде белгісіз иттердің саны-7). Құтыру ауруына қарсы екпе жоспары – 15, егілді – 15.

Қаратөбе ауданы аумағы соңғы 5 жыл ішінде эпизоотиялық ахуал бір қалыпты. Сібір жарасының көмбелеріне аудандық ветеринариялық станция мамандарымен бірігіп, мониторинг жүргізілді.

Ауданда сібір жарасына қарсы профилактикалық егулер жоспар бойынша қараша айында жүргізіледі, -деді.

Жиынды қорытындылаған аудан әкімінің орынбасары М.Мерекеұлы округ әкімдері мен тиісті мекеме басшыларына көтерілген мәселелер бойынша нақты тапсырмалар берді.