Қаратөбеде «Жас сайлаушылар» клубы құрылды

Бүгін аудандық орталықтандырылған кітапхана жүйесінің конференция залында аудандық аумақтық сайлау комиссиясының отырысы өтті.

Отырыстың күн тәртібіне сай «Жас сайлаушылар» клубын құру туралы, клубтың мақсаттары мен міндеттерін бекіту, клуб жетекшісін (төрағасын) сайлау. Клубтың алдағы жоспарларын анықтау мәселелері талқыланды.

Аудандық, аумақтық сайлау комиссиясының төрағасы Бақытжан Жүсіпқали клуб құрудың маңыздылығын айтып, «Жас сайлаушылар» клубының мақсат- міндеттерімен таныстырды. Олардың қатарында сайлау процесі туралы жастардың хабардарлығын арттыру, азаматтық белсенділікті дамыту, танымдық және тәрбиелік іс-шаралар ұйымдастыру, жастар арасында құқықтық мәдениетті қалыптастыру міндеттері тұрғанын атап өтті.

Аталмыш отырыс барысында «Жас сайлаушылар» клубының жетекшісі болып Айгөлек Андирова бірауыздан сайланды, сонымен қатар аталмыш клуб төрайымының орынбасары мен хатшысы сайланып, алдағы жұмыс жоспарлары бекітілді.