Күн тәртібінде маңызды мәселелер

Бүгін аудандық мәслихаттың мәжіліс залында аудан әкімінің орынбасары Мұхтар Шайжановтың төрағалығымен жиналыс өтті.

Жиналыстың күн тәртібінде ауылшаруашылығы санағын ұйымдастыру, қысқы мал азығымен қамту, заңсыз такси қызметі, тазалық, сенбілік мәселелері талқыланды.

Отырыста сөз алған Мұхтар Мерекеұлы ауылшаруашылығы санағын уақытылы, сапалы түрде ұйымдас тыру мәселелерін, қысқы мал азығымен қамту барысы турасында айтып өтті.

Жиын барысында сонымен қатар заңсыз такси қызметін тоқтату, ауыл тазалығы жөніндегі мәселелер қозғалып, алда тұрған міндеттер талқыланды.

Отырыс соңында аудандық статистика басқармасының басшысы Халқымбай Есжан ауылшаруашылығы санағынан онлайн өту тәртібі турасында түсіндірді.