Мемлекет басшысы Қасым-Жомарт Тоқаев ауыл шаруашылығын цифрландыру арқылы өнімділікті арттыру жөнінде нақты міндеттер қойды. Жасанды интеллектіні игерудің жарқын мысалын өңірден де көруге болады. Қажырлы еңбек пен цифрлық шешімдердің нәтижесінде диқандар күздік бидайдың әр гектарынан 50-70 центнер өнім алып жатыр. Аймақта егіс алқаптары автоматтандырылып, қожалықтар «ақылды технологияларды» кеңінен қолданып келеді.