Мемлекеттік Басшының тапсырмасымен ҚР Премьер-Министрінің төрағалығымен Цифрлық штаб құрылды.

Оның құрамында:
• Қазақстан Республикасының Премьер-Министрі (штаб төрағасы)
• Қазақстан Республикасы Үкіметі Аппаратының Басшысы – Премьер-Министрдің орынбасары
• Қазақстан Республикасының Стратегиялық жоспарлау және реформалар агенттігінің төрағасы
• Қазақстан Республикасының Цифрлық даму, инновациялар және аэроғарыш өнеркәсібі министрі
• Қазақстан Республикасы Президентінің цифрландыру мәселелерін қадағалайтын кеңесшісі

Цифрлық штабтың шешімдері мемлекеттік органдар, әкімдіктер және квазимемлекеттік сектор үшін міндетті болып табылады. Штабтың жұмыс органы ретінде ЦДИАӨМ Цифрлық Үкіметті қолдау орталығы айқындалды.

Штабтың міндеті — бытыраңқы шешімдерден бірыңғай деректерді басқару экожүйесіне көшу. Мұндай қадам осы мүмкіндік береді:
• проактивті сервистер арқылы мемлекеттік қызметтердің сапасын арттыруға,
• деректердің қайталануын және бытыраңқылығын жоюға,
• үдерістердің ашықтығы мен басқарылуын қамтамасыз етуге,
• барлық деңгейде цифрлық трансформацияны жеделдетуге.

Бұл — деректерге негізделген басқаруға (data-driven government) көшу жолындағы қадам. Ол жаңа өнімдердің іске қосылуын жылдамдатып, мемлекеттік басқарудың тиімділігін арттырады және азаматтардың өмір сапасына тікелей әсер етеді.