Мемлекеттік еңбек инспекторлары кәмелетке толмағандардың еңбек құқықтарының сақталуы мәселелері бойынша кезекті профилактикалық іс-шара өткізді

2026 жылғы 20 шілде күні Мемлекеттік еңбек инспекторлары А.Кенжин мен А.Досанов шағын бизнес субъектілерінде жұмыс берушілер мен жұмыскерлер арасында кезекті профилактикалық іс-шара өткізді.

Кездесулер кәсіпкерлік субъектілері шоғырланған негізгі орындарда ұйымдастырылып, барлығы 6 кәсіпкерлік нысаны қамтылды.

Іс-шара барысында кәсіпкерлік нысандарында еңбек ететін кәмелетке толмаған жұмыскерлерге еңбек шартын жасасу тәртібі, жұмыс уақытының ұзақтығы, сондай-ақ еңбек қауіпсіздігіне қатысты заңнама талаптары жан-жақты түсіндірілді.