«Заң және тәртіп» тұжырымдамасы негізінде кезекті кездесу

Ағымдағы жылдың 12 наурыз күні Қазақстан Республикасының Еңбек және халықты әлеуметтік қорғау министрлігі Мемлекеттік еңбек инспекциясы комитетінің Батыс Қазақстан облысы бойынша департаменті Еңбек саласын бақылау және талдау бөлімінің басшысы – мемлекеттік еңбек инспекторы А.Батыров Бәйтерек ауданының прокуратурасымен бірлесе отырып «Батыс  Пауэр» ЖШС қызметкерлері арасында кезекті кездесу өткізді.

Кездесудің мақсаты – жұмыскерлердің құқықтық сауаттылығын арттыруға, еңбек заңнамасын бұзудың алдын алуға, сондай-ақ жеке және ұжымдық еңбек дауларын болдырмауға бағытталған.

Кездесу барысында қызметкерлерге еңбек заңнамасының негізгі нормалары, еңбек дауларын сотқа дейінгі реттеу тәртібі, еңбек қауіпсіздігін сақтау және өндірістік жарақаттардың алдын алу мәселелері түсіндірілді.