15 қазан - Дүниежүзілік қол жуу күні

БҰҰ Бас ассамблеясы ЮНИСЕФ балалар қорымен және Дүниежүзілік денсаулық сақтау ұйымымен бірлесіп 2008 жылы жыл сайын 15 қазанда "Дүниежүзілік таза қол күнін" (Global Handwashing Day) өткізу туралы шешім қабылдады. Бұл күн қол жуудың денсаулыққа әсері туралы халықтың хабардарлығын арттыруға арналған. Дүниежүзілік таза қол күні жеке гигиена негіздеріне арналған. Оның басты мақсаты - үйде де, одан тыс жерлерде де қолды жууды дағдылы әрекетке айналдыру.
Ең бастысы - қолды дұрыс жуу: оны кем дегенде 20 секунд жуу ұсынылады. Алақанның сыртына, сондай-ақ саусақтардың арасындағы теріге назар аудару керек. Тырнақтарды да ұмытпаңыз - олардың астында үнемі кір, тамақ қалдықтары және патологиялық микроорганизмдердің көбеюіне тамаша жағдай жасайтын басқа заттар жиналады.
Қолды тамақ пісірер алдында және дастархан дайындамас бұрын; тамақтанар алдында; көшеден келгенде немесе қоқыс шығарғанда; қоғамдық орындардан үйге оралғанда немесе қоғамдық көлікте жүргеннен кейін; дәретханаға барғаннан кейін; жараны емдеуден бұрын және кейін; үй жануарларымен ойнағаннан кейін және т. б. жуу керек. Бұл диарея ауруының деңгейін 40 пайыздан астам, ал тыныс жолдарының инфекциясын 25 пайызға дейін төмендетеді.
Қолдың тазалығы салауатты өмір салтының негіздерінің бірі екенін ұмытпаңыз.

Өзіңізді және жақындарыңызды қорғаңыз! Деніңіз сау болсын!

@healthcare.gov.kz