17 ақпанда «Республикасында трансплантологиялық қызметтің дамуы, күту тізімін қалыптастыру мәселелері және мәйіттік донордан ағзаларды бөлу қағидаттары» тақырыбында республикалық онлайн мәжіліс өтті

Жиынға  денсаулық сақтау басқармасы, облыс бойынша трансплантаттау жөніндегі өңірлік үйлестіруші Индира Семенова, сондай-ақ медициналық ұйымдардың директорлары қатысты.

Мәжіліс барысында трансплантологиялық қызметті дамыту, ағза трансплантациясын қажет ететін науқастардың күту тізімін әділ әрі ашық қалыптастыру, сондай-ақ мәйіттік донордан ағзаларды бөлу тәртібін жетілдіру мәселелері талқыланды.

Трансплантация – талай жанға өмір сыйлайтын маңызды бағыт. Сондықтан бұл саладағы әрбір шешім жауапкершілік пен ашықтықты талап етеді. Жиын қорытындысында өңірде атқарылатын жұмыстар нақтыланып, бірқатар ұйымдастырушылық тапсырмалар белгіленді.