БҚО-да даму және ерте араласу орталықтары жұмысын кеңейтуде

ҚР Денсаулық сақтау министрінің №25 бұйрығына және БҚО Денсаулық сақтау басқармасының 2025 жылғы 25 сәуірдегі №187 бұйрығына сәйкес, облыстың медициналық-санитариялық алғашқы көмек ұйымдарында Даму және ерте араласу орталықтары (ДЕАО) ашылуда.

Орталықтардың мақсаты – ерте жастағы балалар арасындағы медициналық және әлеуметтік тәуекелдерді уақытылы анықтау.

Даму және ерте араласу орталығы құрылымы мыналарды қамтиды:

• жүкті әйелдер мен бес жасқа дейінгі балаларды әмбебап және прогрессивті патронаж бақылаудың супервизиясын жүзеге асыратын дәрігердің кабинеті;
• патронаждық мейіргер кабинеті;
• баланы дамыту кабинеті (бұдан әрі – БДК), тамақтану жөніндегі ресурстық орталық;
• аудиологиялық және психофизикалық скринингтер жүргізуге арналған кабинеті.

Қазіргі таңда облыста 11 МСАК ұйымында ДЕАО жұмыс істейді.

2025жылдың 11 айында 35 мыңнан астам бала қамтылды.

Орталықтар жұмысының нәтижесінде:

• нәресте өлімі (1 жасқа дейін) 11,2%-ға, соның ішінде неонаталды өлім - 12,1%-ға, туа біткен ақаулардан өлім – 71,2%-ға, басқарылатын себептерден нәресте өлімі – 91,7%-ға төмендеді.
• үйде қайтыс болу 23,2%-ға,
• бала өлімі (5 жасқа дейін) - 17,1%-ға төмендеді.

Жұмыстың тиімділігін ескере отырып, 2026–2027 жылдары облыстағы барлық МСАК ұйымдарында ДЕАО-ны 100% ашу жоспарлануда.