Республика күніне арналған салтанатты шара

25 қазан — Республика күніне орай облыстық мәслихат ғимаратында денсаулық сақтау саласының үздік қызметкерлерін марапаттау рәсімі өтті.

Салтанатты шараға Батыс Қазақстан облысы әкімінің орынбасары Қалияр Шадиярұлы Айтмұхамбетов, сондай-ақ БҚО денсаулық сақтау басқармасының басшысы Мадияр Амангелдіұлы Утешев қатысты.

Мерекелік жиын барысында медицина саласында ұзақ жыл еңбек етіп, халықтың денсаулығын қорғауға зор үлес қосқан қызметкерлерге:

-«Еңбек ардагері» медалі,

- Қазақстан Республикасы Денсаулық сақтау министрлігінің Құрмет грамоталары мен Алғыс хаттары,

-Облыс әкімінің және БҚО денсаулық сақтау басқармасының Алғыс хаттары табысталды.

Бұл марапаттар — медицина қызметкерлерінің адал еңбегі мен жоғары кәсібилігінің лайықты бағасы.

Барша марапат иелерін шын жүректен құттықтаймыз!

Дендеріңіз сау, еңбектеріңіз өнімді болсын!

Ақ халатты абзал жандар – халық саулығының тірегі!