💻Тауарлардың заңсыз айналымына қарсы күрестің негізгі тиімді құралдарының бірі цифрландыру болып табылады, деп атап өтті сауда және интеграция вице-министрі Әсет Нүсіпов ОКҚ-да өткен баспасөз мәслихатында

Оның айтуынша, ЕАЭО мүшесі ретінде Қазақстан ашық трансшекаралық сауданы және тауарлардың сапасын бақылауды қамтамасыз етуге бағытталған бірыңғай таңбалау жүйесін қалыптастыруға белсенді қатысады. Бұл тауардың өндірушіден тұтынушыға дейінгі жолын дәйекті түрде бақылауға, заңсыз өнімнің әкеліну және айналым тәуекелдерін азайтуға мүмкіндік береді.

Бүгінде Қазақстанда үш тауар тобына қатысты міндетті таңбалау енгізілді: темекі өнімдері, аяқ киім бұйымдары, дәрілік заттар.

💬"Біз биылғы жылы Жеңіл өнеркәсіп бұйымдарын, сыра сусындарын, мотор майларын, зергерлік бұйымдарды сәйкестендіру құралдарымен қамтуды жоспарлап отырмыз", - деп қосты спикер.

Тауардың түпнұсқалығын тексеру үшін naqty enim қосымшасы әзірленді, онда тауар туралы барлық ақпаратты алып қана қоймай, қандай да бір бұзушылық анықталған жағдайда өтініш жіберуге болады.

Лекарств " дәрі-дәрмектер бөлігінде бізде денсаулық сақтау министрлігінің Дәрілік заттардың бірыңғай жіктеуіші жүйесімен интеграция жүзеге асырылды, яғни таңбалау жүйесінде заңсыз тауар болуы мүмкін емес. Егер дәрілік заттардың қаптамасында таңбалау коды болмаса, онда бұл тауардың заңды екендігін қосымша тексеру сигналы болып табылады", - деді бірыңғай таңбалау және қадағалау операторының басқарушы директоры Алмат Исмалов.