КОНКУРСТЫҚ ІРІКТЕУСІЗ МЕМЛЕКЕТТІК ӘКІМШІЛІК ЛАУАЗЫМҒА ҚАБЫЛДАНДЫ
Жоғары оқу орындарында мемлекеттік грант негізінде білім алып, оқуын жоғары көрсеткішпен (GPA 3,33-тен жоғары) аяқтаған түлектерге мемлекеттік қызметке конкурссыз орналасу мүмкіндігі беріледі. Бұл бастама дарынды әрі білікті жастарды мемлекеттік қызметке тартуға, сондай-ақ өңірлердегі кадр тапшылығын азайтуға бағытталған.
Осы ретте, Әл-Фараби атындағы Қазақ ұлттық университетінің түлегі Жексен Дианна Ержанқызы оқу орнын GPA 3,94 көрсеткішімен аяқтап, уәкілетті органның келісімі негізінде Бөкей ордасы ауданы әкімі аппараты ұйымдастыру-бақылау және персоналды басқарудың бірыңғай қызметі бөлімінің бас маманы бос мемлекеттік әкімшілік лауазымына конкурстық іріктеусіз тағайындалды.
Жас маманға жауапты қызметінде сәттілік тілейміз!