Ағымдағы жылдың 3 шілде күні Бөкей ордасы ауданының әкімі Нұрлыбек Жасқайратұлы Даумов Бұқаралық ақпарат құралдары қызметкерлері күніне орай аудан журналистерімен кездесу өткізіп, ақпарат саласының өкілдерін кәсіби мерекелерімен құттықтады.
«Газет – халықтың көзі, құлағы һәм тілі» деген Ахмет Байтұрсынұлы сөзін тілге тиек еткен аудан әкімі, журналистердің ел мен халық арасындағы алтын көпір екенін, қоғамдағы өзекті мәселелерді көтеріп, мемлекеттік саясатты түсіндіруде және жұртшылықтың сенімін қалыптастыруда бұқаралық ақпарат құралдарының орны ерекше екенін атап өтті.
Шара барысында аудан әкімі мереке иелеріне құттықтау хаттар мен арнайы сый-сияпаттар табыс етті.
Сонымен қатар, аудандық мәслихат төрағасы, аудандық аурухананың директоры және білім беру бөлімінің басшысы да жылы лебіздерін білдіріп, құттықтау хаттары мен сый-сияпаттарын табыстады.
Жиын соңында «Орда жұлдызы» аудандық қоғамдық-саяси газетінің бас редакторы Ұлпан Әнуарқызы Жакина көрсетілген құрмет пен қолдау үшін аудан басшылығына және құттықтау білдірген барша азаматтарға алғысын жеткізді.
Барша бұқаралық ақпарат құралдары қызметкерлеріне шығармашылық табыс, қаламдарыңызға қуат, дендеріңізге саулық және ел игілігі жолындағы еңбектеріңізге толағай жетістіктер тілейміз!
Мұратсай ауылында аудан әкімінің орынбасары Кенесары Нұршиновтің төрағалығымен «Ауыл аманаты» жобасы бойынша түсінік жұмыстарын жүргізуге арналған жиын өтті.
Аталған жиынға арнайы Батыс Қазақстан облысы әкімінің кеңесшісі Алдияр Халелов, Батыс Қазақстан облысы ауыл шаруашылығы басқармасының бас маманы Ринат Мұсағалиев және Батыс Қазақстан облысындағы танымал бизнес-тренер, экономика ғылымдарының магистрі, «Ауыл аманаты» бағдарламасының белсенді сарапшысы Алмагүл Исмагулова қатысып, спикер ретінде сөз сөйледі.
Жоғарыда аталған қонақтармен қатар, жиынға аудандық дербес бөлімдердің басшылары, ауылдық округ әкімдері және шаруа қожалықтарының жетекшілері де қатысты.
Жиын барысында жобаның тиімділігі мен ауыл шаруашылығы өндірістік кооперативін құру арқылы мемлекеттік жеңілдіктерге қол жеткізу мәселелері талқыланды.
Жалпы жиын диалог форматында өтіп, тұрғындардың сұрақтарына жауап беріліп, ұсыныс-пікірлері тыңдалды.
Ағымдағы жылдың 26 маусым күні облыс әкімі Нариман Төреғалиев орынбасары Мирас Мүлкәй, облыстық ардагерлер кеңесінің төрағасы Мақсот Бергенмен бірге ауданымызға арнайы іссапармен бірнеше нысандарды аралады. Өңір басшысын аудан әкімі Нұрлыбек Даумов қарсы алып, алдымен Мұратсай ауылдық округінде мамыр айында 100 гектар жерге судан шөбін егіп, бүгінде орып, жинау жұмыстарын жүргізіп жатқан "Есқайрат" шаруа қожалығының егіс алқабында болды.
Одан әрі Хан ордасы ауылында өткен жылы бой көтерген "Нарын" спорт кешенін аралап, ауыл тұрғындарымен әңгімелесті.
Ағымдағы жылдың 25 маусым күні аудан әкімі Даумов Нұрлыбек Жасқайратұлының төрағалығымен Бөкей ордасы ауданы әкімдігі жанындағы құқық бұзушылықтар профилактикасы жөніндегі ведомствоаралық комиссия отырысы оздырылды. Жиынға комиссия мүшелері, тиісті мекеме басшылары, округ әкімдері мен БҚО Полиция департаментінің өкілі қатысты.
Күн тәртібінде:
1) Мал ұрлығының алдын алу туралы;
2) Интернет – алаяқтыққа қарсы іс-қимыл бойынша;
3) Тұрмыстық зорлық-зомбылықты ескерту және алдын алуға бағытталған шаралар және олардың тиімділігі туралы мәселелер қаралды.
Күн тәрті бойынша баяндамалар тыңдалып, хаттама тұрғызылып, тиісті тапсырмалар берілді.
Батыс Қазақстан облысы білім басқармасы ұйымдастырған «Үздік білім беру бөлімі – 2026» облыстық рейтингінің қорытындылау салтанатында Бөкей ордасы ауданының білім беру бөлімі жүлделі ІІ орынға ие болды.
Бұл – ауданымыздың білім саласында еңбек етіп жүрген әрбір педагогтің, білім беру ұйымдары басшыларының, әдіскерлер мен бөлім қызметкерлерінің жүйелі еңбегі мен кәсіби шеберлігінің жемісі.
Н.Умарова бастаған білім саласы қызметкерлерін құттықтаймыз!
«Азаматтарға арналған үкімет» Мемлекеттік корпорациясы «ЦОН» мобильді қосымшасындағы цифрлық сервистер қатарын кеңейтуді жалғастыруда. Енді қызмет алушыларға дайын болған жүргізуші куәлігін, көлік құралын тіркеу туралы куәлікті немесе мемлекеттік тіркеу нөмірлік белгісін алу үшін мамандандырылған халыққа қызмет көрсету орталығына қайта барудың қажеті жоқ.
Жеткізу қызметіне тапсырыс беру небәрі бірнеше минутты алады. Бұл сервисті құжат немесе мемлекеттік тіркеу нөмірлік белгісі дайын болғаннан кейін пайдалануға болады. Қызмет тапсырыс рәсімделген елді мекен шегінде ғана көрсетіледі. Айта кетейік, егер тапсырыс сағат 17:00-ге дейін рәсімделсе, жеткізу сол күні жүзеге асырылады, ал 17:00-ден кейін рәсімделген жағдайда құжат келесі жұмыс күні жеткізіледі.
«Бүгінде азаматтар үшін уақыт үнемдеу өте маңызды. Сондықтан біз мемлекеттік қызметтерді барынша ыңғайлы әрі орталыққа бармай-ақ алуға мүмкіндік беретін сервистерді дамытып келеміз. Дайын құжаттарды жеткізу қызметінің іске қосылуы цифрлық экожүйені дамытудағы кезекті қадам болды және азаматтарға күнделікті істерінен қол үзбей, уақытын тиімді жоспарлауға мүмкіндік береді», – деді Мемлекеттік корпорация Басқарма төрағасы Арман Кенжеғалиев.
Жеткізу қызметіне қалай тапсырыс беруге болады:
Осыдан кейін қосымша арқылы жеткізу мәртебесін бақылап, курьер туралы ақпаратты нақты уақыт режимінде көре аласыз.
Айта кетейік, жаңа сервистің іске қосылуы рәсімдерді жеңілдетуге және азаматтар үшін барынша қолайлы жағдай жасауға бағытталған.
Сондай-ақ «ЦОН» мобильді қосымшасында басқа да сервистер мен мемлекеттік қызметтер қолжетімді. Қосымшаны App Store және Google Play арқылы жүктеп алуға болады.
Мемлекеттік қызметшілер күніне арналған "Aqjayiq" телеарнасының "Күншуақ" бағдарламасына ауданымыздағы мемлекеттік қызметтің майталмандары, ерлі-зайыпты Серік Айтқалиев пен Гүлжайнар Айтбаева қатысқан болатын.
Әріптестерімізді кәсіби мерекелерімен құттықтаймыз!
Ағымдағы жылдың 23 маусым күні аудан әкімі аппаратында мемлекеттік қызметшілер күніне арналып мемлекеттік қызметшілер арасында "Қазақша QUIZ" ойыны өтті. Білімділер сайысына аудан әкімі аппараты, дербес бөлімдер мен ауылдық округтерден командалар қатысып өзара мықтыны анықтады.
Сайыстың нәтижесінде Саралжын, Ұялы ауылдық округі әкімдіктері мамандарынан құралған "Жалын" тобы жеңіске жетті.
Бүгін аудандық мәдениет, тілдерді дамыту, дене шынықтыру және спорт бөлімінің басшысы Данагүл Ғайноллинаның бұйрығымен Сабиров Нүркен Хайроллаұлы аудандық мәдени орталықтың басшысы боп тағайындалды.
Бөлім басшысы Данагүл Берікқызы ұжымды жинап, жаңа басшымен таныстырды.
- Аудандық мәдени демалыс орталығының жұмысы қауырт, қызметі жауапты. Кез келген мейрам, аталып өтілетін айтулы күн, жақсылықтың бәрінің басы-қасында мәдениет қызметкерлері жүреді. Аудан тұрғындарының кезекті демалысын ән-күймен, әсерлі кешпен мағыналы өткізуге тырысатын еңбектеріңізді жақсы білемін, құрметтеймін. Алда айтулы күндер, ауданның мерейтойы, аудан үшін сындарлы сәт. Бірлігіміз бен біліктілігіміз сынға түсетін жауапты кезеңдерден абыройлы өтейік. Ол үшін әрине, ұжымның ұйымшылдығы, басшының кәсіби шеберлігі керек. Осындай жауапты жұмысты абыройлы атқарады деген сенімдемін, - деді Данагүл Берікқызы өз сөзінде.
Нүркен Сабиров сенім артқан басшылыққа алғысын білдіріп, үдеден шығуға тырысатынын айтты.
Ұжым атынан сөз алған Ерболат Ахметов, Жоламан Сисенғалиевтер жаңа басшының жұмысына сәттілік тіледі