📌 Білім басқармасы мен НЗМ : психологиялық қолдау мәселесі талқыланды

Ағымдағы жылдың 15 сәуір күні Облыстық білім басқармасының басшысы Елдос Сафуллин мен "НЗМ" ДББҰ Балалардың игілігі департаментінің директоры Динара Хамитқызы Уалкенова арасында маңызды кездесу өтті.
Кездесу барысында білім беру ұйымдарындағы жасөспірімдердің психологиялық әл-ауқатын жақсарту бағытындағы бағдарламаларды жүзеге асыру жобалары талқыланды. Тараптар мектеп оқушыларының менталдық денсаулығын қолдауға бағытталған іс-шараларды үйлестіріп жүргізудің маңыздылығын атап өтті.

🔹 Кездесу нәтижесінде алдағы кезеңде бірлескен бастамаларды жүзеге асыру бойынша нақты жоспарлар құрылатын болды.