2024 жылғы 1 сәуірден бастап Батыс Қазақстан облысының білім беру ұйымдарында бірінші сыныпқа қабылдау жүргізілуде
2024 жылғы 1 сәуірден бастап Батыс Қазақстан облысының білім беру ұйымдарында бірінші сыныпқа қабылдау жүргізілуде
2024 жылдың 1 сәуірінен бастап балаларды бірінші сыныпқа тіркеу басталып, 31 тамызға дейін жалғасады. Өтінімді egov.kz электрондық үкімет порталы арқылы беруге болады, сондай-ақ білім беру ұйымдарында қағаз жеткізгіште де көрсетіледі.
Egov.kz арқылы өтініш беру кезінде:
- Порталда ЭЦҚ (электрондық цифрлық қолтаңба) арқылы немесе смс пароль арқылы авторизациядан өту;
Басты бетте «Білім», одан әрі «Орта білім» бөлімін таңдау.
- «1 сыныпқа қабылдау үшін құжаттарды қабылдау»бөліміне өту;
- «Онлайн қызметке тапсырыс беру» қосымша парағына өту қажет;
«Құжаттарды қабылдау және білім беру ұйымына қабылдау (1 сынып)» өтінімінің түрін таңдап, телефон нөмірін, электрондық поштаны көрсету қажет.
«Баланы таңдау» түймесін басып, пайда болған тізімнен мектепке баратын баланы таңдау.
Әрі қарай, оқу формасын, сыныпты, аймақты, ауданды, білім беруді ұйымдастыруды, оқыту тілін таңдау қажет.
Мектепті шағын учаскесі бойынша таңдаған жағдайда, "Иә" батырмасын таңдаңыз, білім беру ұйымын және оқыту тілін көрсетіңіз.
- Өтінімді толтыру және баланың цифрлық фотосуретін, №065/у және № 052/у-2 нысандағы денсаулық жағдайы туралы құжаттардың электрондық көшірмелерін жүктеу;
- Өтінімге ЭЦҚ немесе смс-пароль арқылы қол қою (мобильді азаматтар базасында тіркелу міндетті).
- Мектепті шағын учаскеден тыс таңдағанда, "жоқ" деп көрсетіп, қажетті білім беру ұйымын таңдап, жоғарыда көрсетілген барлық қадамдардан өту керек.
Мемлекеттік қызметті көрсету мерзімі - 1 жұмыс күні.
Көрсетілетін қызметті алушы әр балаға бір ғана өтінім бере алады (бір оқу орнына), мектепке қабылдаудан бас тартқан жағдайда ғана басқа мектепке қайта өтінім беруге болады (сынып-жиынтықтар толып кеткен және Үлгілік қағидаларда белгіленген өтініш беру мерзімдері сәйкес келмеген жағдайда көрсетілетін қызметті беруші (мектеп) өтінішті қабылдаудан бас тартады).
Жеке кабинетте («Қызметтерді алу тарихы» бөлімінде) көрсетілген уақыт ішінде келіп түсетін өтінімді өңдеу туралы хабарламамен танысу керек.
Өтінімді қағаз форматта берген кезде келесі құжаттарды ұсыну қажет:
1) баланың ата-анасының немесе өзге де заңды өкілдерінің өтініші;
2) жеке басын куәландыратын құжат (сәйкестендіру үшін түпнұсқасы талап етіледі, ол көрсетілетін қызметті алушыға қайтарылады);
3) медициналық анықтамалар (№065/у формасы - «Профилактикалық егу картасы» және № 052-2/у формасы - «Бала денсаулығының паспорты»);
4) өлшемі 3х4 см баланың фотосуреті - 2 дана.