Облыс әкімі Нариман Төреғалиевтің қатысуымен Ұлыстың ұлы күні – Наурыз мерекесі аясында Облыстық білім басқармасы қазақтың бірегей салт-дәстүрі – «Беташар» рәсімін көпшілік назарына ұсынды

Ұлттық құндылықтарды дәріптеуге бағытталған бұл көріністе жас келіннің бетін ашу дәстүрі сахналанып, оның тәрбиелік мәні мен маңызы кеңінен насихатталды. Көрермендер қазақ халқының бай мұрасы мен әдет-ғұрпына тағы бір мәрте куә болды.

Мерекелік шара барысында ұлттық өнер мен салт-дәстүр үйлесім тауып, көпшілікке ерекше рухани әсер сыйлады. Облыстық білім басқармасының бұл бастамасы – өскелең ұрпаққа ұлттық тәрбиені дәріптеудің жарқын үлгісі.