Батыс Қазақстанда кадрлар қажеттілігінің өңірлік картасын талқылау қорытынды кездесуі өтті

Бүгін М. Өтемісов атындағы Батыс Қазақстан университетінде облыстың кадрларға қажеттілігінің өңірлік картасын әзірлеу бойынша жұмыс қорытындыланды.

Кездесудің модераторы – университеттің басқарма мүшесі, академиялық мәселелер жөніндегі проректор Қайсагалиева Гүльжахан Смайылқызы.

Шараға облыстық білім басқармасы басшысының орынбасары Саягүл Галиева және өңірдегі колледж директорлары қатысты.

Кездесудің қорытындысында колледж директорлары өз пікірлерін ортаға салып, өңірдегі кадрлық қажеттіліктерді қанағаттандыру жолдарын талқылады. Бұл бастама білім беру ұйымдары мен өндіріс орындары арасындағы байланысты нығайтып, мамандар даярлаудың тиімділігін арттыруға бағытталған.