*«Балдаурен» бөбекжайындағы кездесу*

Батыс Қазақстан облысы білім басқармасының басшысы Елдос Сафуллин Бөкейордасы ауданындағы іссапар аясында «Балдаурен» бөбекжайына арнайы барып, мекеменің күнделікті жұмыс барысымен танысты.

 Басшы бөбекжайдың материалдық жағдайын, тәрбие жұмысының ұйымдастырылуын көріп, ұжымның жаңашыл көзқараспен жұмыс істеп жатқанын жоғары бағалады. Алдағы мақсат-міндеттерді жүзеге асыруда табыс тілеп, сенім білдірді.

 Сондай-ақ балабақша қызметкерлерімен еркін форматта пікір алмасып, саладағы өзекті мәселелерге назар аударды. Бүлдіршіндер тәрбиесіне үлес қосып жүрген тәрбиешілерге алғысын білдіріп, қажырлы еңбектері үшін ризашылығын жеткізді.